Hahn në Serbi: BE nuk e dëshiron problemin e Kosovës në Union

Share on FacebookShare on Google+Tweet about this on TwitterShare on LinkedInShare on Whatsapp

Komisari evropian për Zgjerim, Johannes Hahn, deklaroi sot në Beograd se Brukseli nuk dëshiron që përmes “derës së vogël” të marrë problemin e Kosovës në BE.

Ai përsëriti se normalizimi i marrëdhënieve me Prishtinën ndikon direkt në përparimin e mëtejmë të Serbisë në integrimet evropiane.

“Zgjerimi bazohet kryesisht në meritat e secilit kandidat. Ju i mbani çelësat drejt BE-së, por BE-ja duhet të shohë një normalizim të pakthyeshëm stabil të marrëdhënieve me Prishtinën para hyrjes përfundimtare në BE. Nuk dëshirojmë të marrim këtë çështje përmes derës së vogël në BE”, tha Hahn.

Ai tha se nuk ka ardhur në Beograd që të tregojë se si liderët e Serbisë dhe Kosovës duhet të udhëheqin dialogun dhe as të ofrojë zgjidhje të gatshme.

Ndryshe, Hahn sot në Beograd ka biseduar me presidentin serb Aleksandar Vuçiq, ndërsa gjatë ditës pritet të takohet edhe me shefin e diplomacisë Ivica Daçiq dhe kryeministren Ana Brnabiq.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

Lini një Përgjigje

Adresa juaj email nuk do të bëhet publike. Fushat e domosdoshme shënohen *