Zbardhet biseda Ruçi- Fleckenstein: Jemi mbështetësit e rrugës suaj për në BE. Presim çeljen e negociatave

Share on FacebookShare on Google+Tweet about this on TwitterShare on LinkedInShare on Whatsapp

Kreu i Kuvendit Gramoz Ruçi priti në një takim Raportuesin për Shqipërinë në Parlamentin Evropian, z. Knut Fleckenstein.

Duke siguruar për vendosmërinë e Kuvendit të Shqipërisë për vijimin e procesit integrues, Ruçi u shpreh se Shqipëria po vijon punën për implementimin e reformës në drejtësi dhe veçanërisht të ligjit të Vetting-ut.

Rezultati i zgjedhjeve të qershorit ishte një mandat i qartë për reformat evropianizuese. Ne kemi filluar zbatimin e reformës në drejtësi, që u miratua me konsensus ndërpartiak në korrik 2016 dhe që do të forcojë ndjeshëm luftën kundër krimit të organizuar dhe korrupsionit. Kuvendi i Shqipërisë pret çeljen e negociatave më Bashkimin Evropian për vijimin e reformave të mëtejshme legjislative,” tha Ruçi.

Gjithashtu, Kryetari Ruçi theksoi se Kuvendi i Shqipërisë do vazhdojë të bashkëpunojë ngushtë me Parlamentin Evropian në nxitje të reformave kyçe që nevojiten për forcimin e shtetit ligjor dhe për mirëqeverisjen ekonomike.

Ruçi: Ne i shohim rekomandimin e Komisionit Evropian, konkluzionet e vendeve anëtare dhe kushtet e tyre specifike për zbatimin e reformës në drejtësi si inkurajim. Jemi plotësisht dakord me faktin se zbatimi i reformës në drejtësi përbën elementin themelor për çeljen e negociatave dhe për këtë ne shpresojmë që kjo të ndodhë sa më parë.

Nga ana e tij, Fleckenstein shprehu mbështetjen e tij dhe të Parlamentit Evropian në procesin e integrimit të Shqipërisë.

Ju siguroj që grupi parlamentar që unë përfaqësoj, por edhe ai i Partive Popullore Evropiane, jemi mbështetësit e rrugës tuaj për në Bashkimin Evropian si dhe çeljes së negociatave për anëtarësim. Bashkimi Evropian kishte dy kushte thelbësore për Shqipërinë. E para, ishin zgjedhjet, të cilat në vlerësimin tonë ishin më të mirat që ju keni zhvilluar në gjithë këto vite. E dyta, ishte avancimi me reformat e rëndësishme dhe të domosdoshme kryesisht në atë të drejtësisë, për të cilat ne kemi një opinion dhe vlerësim shumë pozitiv. Shqipërisë i duhej të punonte fort në këtë drejtim. Nuk ka dyshim që kjo po bëhet dhe ne do të bëjmë çmos që KE të çelë negociatat me vendin tuaj. Për këto arsye, unë jam i bindur se Komisioni do të vendosë për ‘PO’ në qershor të vitit të ardhshëm,” u shpreh Fleckenstein.

Ruçi e falënderoi raporterin Fleckenstein për vlerësimin dhe lajmin e mirë lidhur me negociatat, duke e siguruar atë se Kuvendi i Shqipërisë do të jete garant i zbatimit të Kushtetutës, ndërsa tha se institucioni që ai drejton do të përmbushë çdo detyrim që lidhet, jo vetëm me rrugën e Shqipërisë në BE, por edhe me rritjen e mirëqenies dhe cilësisë së jetës për qytetarët shqiptarë.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

Lini një Përgjigje

Adresa juaj email nuk do të bëhet publike. Fushat e domosdoshme shënohen *