Zbulohet raporti/ Universiteti i Tiranës pa standarde, në fund të listës. Ja rekomandimi i fortë

23 Shtator 2017, 09:12Sociale TEMA

Akreditim me kusht, nga 1 deri në 5 vite për të gjitha universitetet publike e private në vend. Është ky vendimi përfundimtar që do të dalë sot nga mbledhja e Bordit të Akreditimit.

“Panorama” zbardh vlerësimet për të gjitha universitetet publike, për të cilat është dhënë “OK”, me kushtin që në krye të një ose disa viteve të plotësojnë standardet, në të kundërt nuk do të funksionojnë si të tilla.

RAPORTI PARAPRAK

Në mbledhjen joformale të zhvilluar një ditë më parë është vendosur akreditimi me kusht për disa universitete, duke përmbyllur kështu procesin e vlerësimit për akreditimin e të gjitha IAL-ve në vend. Në tabelën bashkëngjitur shkrimit pasqyrohet edhe kohëzgjatja e periudhës së vlefshmërisë.

Ajo çfarë bie lehtësisht në sy është Universiteti i Tiranës, më i vjetri dhe më i madhi, i cili ndodhet në fund të listës, duke u vlerësuar minimalisht, krahasuar me universitetet e tjera. Nga pesë standardet e marra në shqyrtim, tre prej tyre përmbushen thelbësisht, ndërsa dy të tjera pjesërisht.

Kjo ka bërë që Bordi i Akreditimit të përpilojë një listë të gjatë me rekomandime, duke i lënë një vit kohë për t’i përmbushur ato. Me standarde pak më të mira se ato të UT-së rezultojnë tri universitete në rrethe: ai i Shkodrës, Vlorës dhe Gjirokastrës. Universiteti Politeknik dhe “Aleksandër Xhuvani” në Elbasan qëndrojnë diku në mes, duke përmbushur plotësisht dhe thelbësisht të pesë standardet për t’u akredituar për një periudhë 3-vjeçare, ndërsa “Aleksandër Moisiu” në Durrës dhe Politekniku kanë 4 vite kohë për të përmbushur kushtet e vendosura nga ekspertët.

Në majë të piramidës qëndron universiteti më i ri, ai i Mjekësisë, i cili është vlerësuar maksimalisht për katër tregues dhe thelbësisht mirë për një standard. Kjo u siguron atyre “qetësinë” për pesë vitet në vijim, nga gjashtë të mundshmet që mund të akreditoheshin.

Në bazë të marrëveshjes së nënshkruar nga MAS në dhjetor të 2016-s, agjencia britanike “Quality Assurance Agency” ka bërë kontrollin e kritereve të ligjshmërisë së të gjitha institucioneve të arsimit të lartë.

Qëllimi kryesor i Vlerësimit Institucional është të vlerësojë se në çfarë mase IALtë arrijnë standardet e cilësisë ku mbështetet vendimi i akreditimit. Raportet e vlerësimit shërbejnë jo vetëm për universitetet, por edhe për studentët që i besojnë atij.

Këto raporte të detajuara pritet t’i shkojnë në tryezë ministres së Arsimit, Lindita Nikolla, e cila nga ana e saj në bazë të tyre vendos nëse një institucion akreditohet ose jo.

REZULTATI PER AKREDITIMIN INSTITUCIONAL

Universiteti i Mjekësisë 5 vite

Universiteti “Aleksandër Xhuvani”, Elbasan 3 vite

Universiteti “Aleksandër Moisiu”, Durrës 4 vite

Universiteti Bujqësor i Tiranës 4 vite

Universiteti Politeknik i Tiranës 3 vite

Universiteti “Fan. S. Noli”, Korçë 4 vite

Universiteti i Tiranës 1 vit

Universiteti “Luigj Gurakuqi”, Shkodër 2 vite

Universiteti “Ismail Qemali”, Vlorë 2 vite

Universiteti “Eqerem Çabej”, Gjirokastër 2 vite

2 komente në “Zbulohet raporti/ Universiteti i Tiranës pa standarde, në fund të listës. Ja rekomandimi i fortë”

  1. Mereme says:

    Ish studente e UT

  2. ish studente e UT says:

    Renditja e universiteteve nuk me duket aspak bindese. Nuk ka mundesi qe Universiteti i Tiranes te jete ne kete gjendje. Une kam pasur fatin qe nga ky Universitet te shkoj ne nje nga universitetet me te mira te Evropes ne kuadrin e shkembimeve Erasmus dhe jam vleresuar me nota mjaft te mira edhe atje. Me sa di une, ky universitet krijon mundesi shume te mira per studentet dhe keta te fundit kane shkelqyer kudo qe kane qene. Mobilitetet dhe aktivitetet nderkombetare prej tij jane pika me e forte qe nuk mund ta kishin lene ne kete renditje Universitetin e Tiranes. Ne nje konkurs nderballkanik ne u vleresuam me cmimin e dyte ne Ballkan. Aty kishim shkuar pasi kishim fituar te gjitha raundet me universitetet e tjera brenda vendit, publike e private. Jam e bindur se UT ka studente te shkelqyer. Kurresesi nuk mund te jete i fundit.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje