Kunati teston erën e qepëve në SHQUP

Debati i parë në Kuvend i Lulit me Ramën ishte për erën e zyrave.

Duke debatuar me të në Kuvend për prishjen e zyrës në Bashki, Rama i tha se në zyrat e PD, vjen era qepë.

Duke qenë se ishte debati i parë në Kuvend, Kunati ndjehet i shqetësuar përse Rama i tha që SHQUP vjen era qepë.

Për këtë, shkoi në SHQUP dhe shpalli aksion.

U kërkoi atyre të kafesë, të mos shesin më raki me qepë dhe gjizë.

-Nuk shesim, i thanë ata, po Ristani i sjell me vete.

-Mirë, të ndalohet dhe ai të mos hajë më qepë këtu, tha Kunati.

Masa e dytë që mori ishin rojet.

-Të verifikohet çdo i huaj që hyn në SHQUP, u tha. Nëse shikoni që era e fortë e qofteve dhe qepës mbyt mjedisin, futini një sprajt tek hundët, mos ta ndjejë.

-Dakord, thanë rojet.

Kështu, situata u vendos nën kontroll dhe Kunati po dukej i kënaqur.

Për të bërë diferencën dhe për të përhapur lajmin që tek SHQUP nuk vjen era qepë, i tha Ristanit të ftojë për një kafe me takt, ish- deputetin Ruli, si kundërshtar i Lulit .

Pas kësaj, porositi rojen që kur të kalojë ish- deputeti Ruli tek porta, ‘lëshoni sprajt që t’i zihen hundët’.

Ruli erdhi dhe u ul në kafe.

Ristani e priti tek dera dhe e ulën në tavolinë.

Ruli hodhi disa herë sytë rrotull dhe pa që të gjithë po pinin raki, por mezet nuk dalloheshin.

Dyshemeja ishte e pastër, në banak kishte rregull, dhe të gjithë silleshin si zotërinj.

Ristani kishte hedhur vetë spraj tek hundët dhe ishte i sigurtë që era e qepëve nuk ndihej.

-Hë, si të duket kafja, i tha Ristani?

-Po mirë e keni rregulluar, tha Ruli, më pëlqen. Më parë nuk ka pasur kaq rregull.

-Ka dalë mire, tha Ristani i gëzuar. Dhe fytyrat e njerëzve kanë ndryshuar. Dhe klientët e kafesë janë më normalë, vetëm ndonjë gotë raki pijnë.

-E shikoj, tha Ruli, po prapë vjen era qepë.

-Si ka mundësi, tha Ristani, unë nuk ndjej gjë! E ke paragjykim, nga që ke dëgjuar Ramën.

-Jo, jo, por sa hyra, filluan të më lotojnë sytë, i tha Ruli, se nga hunda as nuk ndiej gjë.

2 komente në “Kunati teston erën e qepëve në SHQUP”

  1. LORA says:

    Fantastike.
    Faleminderit Antenes.

  2. sadna babul ka bidai says:

    HURDHA NXJERR SEMUNDJEN ,QEPA NUK E NXJERR SEMUNDJEN ,KURSE RAKIA CFAR KA BARKU NXJERR BARDHAKU DHE KESHTU IKEN MACJA BREDHIN MIJT

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Top
Copy Protected by Chetan's WP-Copyprotect.
X