Emiljano ka vetëm 1 muaj e gjysmë që ka ardhur në jetë. Por ai nuk e ndjen dhimbjen, të cilën prindërit e tij e përjetojnë çdo ditë pasi vogëlushi është diagnostikuar se ka lindur me vrimë në zemër.
Për prindërit dhe gjyshen situata duket e dëshpëruar pasi pamundësia ekonomike e familjes bën që të mos e dërgojnë dot në Itali për t’iu nënshtruar një operacioni.
Xhemile dhe Fehmije Koçi tregojnë kalvarin e vuajtjeve në trekendeshin spitalor Elbasan-Tiranë- Shkodër.
“E kemi vizituar në Shkodër, në Tiranë por na kanë thënë të njëjtën gjë, që duhen lekë për të kuruar fëmijën jashtë vendit. Pas lindjes e kuptuam që fëmija kishte probleme me zemrën. Unë dua që të më dërgojnë jashtë djalin dhe ta kurojnë, shërojnë.” thotë Fehmije Koçi.
“Doktori na ka lidhur më fushatën e Shkodrës. E kemi dërguar dy herë atje por na kanë thënë që duhen lekë për të dërguar dhe sjellë fëmijën jashtë. Deri në 3 muaj mund të jetojë nëse nuk bën ndërhyrjen.” shprehet Xhemile Koçi.
Për këtë familjarët kërkojnë ndërhyrjen e kujtdo që mund të ketë diçka për të ofruar për vogëlushin.
Ju lutem si mund te kontaktojme me familjen e femijes.