Kryetari i opozitës Lulzim Basha i është përgjigjur kryeminstrit Rama, pasi ai tha se Partia demokratike është pa vizion.

Duke folur nga foltorja e Kuvendit Basha gjithashtu sulmoi deputetët e PS duke i quajtur kukulla pa integrit.

“Rama i thotë vetes kryeministër dhe deputetët e tij që qeshinin nga zori, për cfarë qeshni? Për ata që u vranë në Lushnje para dy ditësh?

 Apo për atë plakun që u plagos nga breshëria, apo për atë që u plagos nga tritoli në Vlorë?

O kukulla pa integritet gjysma prej jush keni ardhur këtu se ju ka marrë për dore krimi, ju ka caktuar krimi.

Ky këtu vjen e sulmon një orë opozitën dhe nuk thotë një fjalë për krimin, se është njësh me ata, e s’ka nevojë të tregoj foto i kemi pasur këtu e i kemi akoma këtu e dinë gjithë shqiptarët, për të dënuarit me drogë, prostitucion për vrasje që Rama i bëri deputet.

Rama nuk ka dhënë asnjë shpjegim pse dy të dyshuarit kryesor për Elbasanin ndodhen në Holandë dhe jo para drejtësisë, pse Durim Keci u fsheh në Interpol.

Ti je pa shkollë dhe pa kurajo dhe këllqe. Ti je pa shkollë në krahasim me grupin e opozitës.

Ti zgjedh krimin, dëftesat false, krimin dhe grabitqarët. Shit-blerja e votës është rekomandimi kryesor i OSBE.

Votat u blenë nga Rama, i cili e ndikoi dhe dhunoi votën me kriminelët dhe bandat. Në 25 qershor u krye një atentat ndaj demokracisë” – tha Basha.