Blindohet Gjykata e Durrësit. Forca të shumta të policisë dhe të RENEA kanë rrethuar gjykatën ku Durim Keçi shkoi për vlerësim të masës së sigurisë.
Prokurori kërkon të vlerësohet i ligjshëm arrestimi dhe kërkon të mbahet në masën e sigurisë “arrest me burg” me qëllim ekstradimin drejt Italisë.
Shtetasi Durim Keçi është shpallur në kërkim nga autoritetet italiane për trafik droge dhe prostitucion
Avokati Ilia Ilia deklaroi se shkresa e Interpolit nuk ka vulë të autoriteteve italiane dhe kërkon që të rrëzohet kërkesa.
Por Gjykata pasi dëgjoi palët vendosi ta lërë në masën e arrestit me burg deri në ekstradimin e tij drejt Italisë.