Vijon aksioni antiinformalitet, 1420 biznese gjobiten dhe 212 mbyllen

16 Tetor 2017, 17:43Ekonomia TEMA

Shërbimi i Tatimpaguesit ka asistuar ballë për ballë më shumë se 17,000 tatimpagues, 3,500 është numri i tatimpaguesve të kontaktuar për ligjin e faljeve. Mbi 8,200 tatimpagues janë kontaktuar për të nxitur vetëkorrigjimin, 3,500 është numri i vizitave këshilluese të përfunduara dhe janë organizuar 14 takime me komunitetin e biznesit në territor, njoftoi Drejtoria e Tatimeve.

Qendra e Thirrjes ka vijuar të ofrojë shërbimet në numrin e vënë në dispozicion për çdo problematikë dhe suport ndaj çdo tatimpaguesi duke asistuar rreth 4,000 telefonues si dhe përdorues të live chat.

Për dy javët e para të fushatës është mundësuar përfundimi i 4,773 kontrolleve (kontrolle nga zyra, vizita fiskale apo verifikime në terren) ku kontrollet nga zyra përbëjnë 73 % të totalit, këto kontrolle u shoqëruan me më shumë se 170 milionë lekë gjetje dhe raporti gjetjeve me penalitete është në masën 70% me 30%.

810 subjekte kanë ndryshuar përgjegjësinë tatimore, ku Tirana ka dhe numrin më të madh me 430 subjekte e ndjekur nga Vlora me 84 dhe Durrësi me 77.

Ka vijuar sensibilizimi për të mundësuar mbledhjen e detyrimeve të prapambetura, ku gjatë kësaj periudhe numri i subjekteve që kanë reaguar pozitivisht është 624 dhe vlera është 488 milionë lekë.

Ka filluar procesi i fshirjes automatike të detyrimeve për periudhën përpara vitit 2010 dhe kompensimi me kredi, si për periudhën përpara vitit 2010 dhe atë 2011-2014, gjithashtu dhe fshirja e detyrimeve me kusht për periudhën 2011-2014 për ata tatimpagues që kanë paguar principalin, më shumë se 1000 tatimpagues kanë përfituar dhe ky proces vijon ende.

Strukturat e zbatimit kanë vijuar me verifikimet në territor, janë verifikuar 6,778 subjekte ku 21% e tyre (rreth 1420) kanë rezultuar me shkelje dhe janë penalizuar. Janë futur në skemën e sigurimeve shoqërore gjatë dy javëve të para të aksionit 323 punonjës që janë konstatuar të padeklaruar dhe janë mbyllur 212 subjekte të paregjistruar në organet tatimore si dhe për shkelje të tjera si moslëshim kuponi për herë të dytë.(monitor)

6 komente në “Vijon aksioni antiinformalitet, 1420 biznese gjobiten dhe 212 mbyllen”

  1. ajkana says:

    ne momentin qe shohin probleme tek bizneset normalisht qe do mbyllen. u tha per bashkbisedim por si duket nuk kane pranuar, nuk ka faj qeveria per kete pjese se ti do te fitosh lek sot per neser apo pasneser pasi i ben dem ekonomise ne te ardhmen gje eshte bere boll qe nga koha e saliut

  2. bardhi says:

    normalisht qe qeveria si obligim ka sensibilizimin pasi per kete e nisi kete lufte. ne momentin qe konstaton qe ti vazhdon te besh po te njejten gje ateher normalisht qe merren masa nga gjoba e gjer ne mbyllje te aktivitetit.

  3. lindita says:

    Ky eshte nje aksion shume I vlefshem per ekonomine e vendit. Ne duhet te shpetojme nga informaliteti me cdo kusht. Suksese per kete nisme.

  4. Mikaeli says:

    Super pune. Boll kane vjedhur nga xhepat e qytetareve kaq shume biznese. Mire qe keni filluar beni keto aksione qe po u mesoni ca eshte fatura se deri para pak kohesh sdinin ta leshonin.

  5. Ilda says:

    Une jam shume dakord me penalizimin e atyre qe nuk zbatojne ligjin, si biznese te medha sit e vogla. Ligji eshte I njejte per te gjithe

  6. Ahmeti says:

    Te themi te drejten qe nga aksioni I pare I informalitetit dhe deri me sot kemi pare shume ndryshime. Para 2 vjetesh askush nuk leshonte kupon dhe shume biznese nuk dispononin as kase. Keto problem jane persmiresuar shume pas ketyre aksioneve.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje