Rama: 4 vite më parë policët vriteshin rrugëve si pula, vetëm në pak muaj kemi sekuestruar 35 mln euro nga asetet kriminale

Kryeministri Edi Rama tha se nuk ka asnjë krahasim me policinë që ishte para katër viteve dhe që është sot.

Duke folur para forvace blu në Ministrinë e Brendshme Rama u ndal edhe në vrasjet e krerëve të policisë vite më parë.

“Nuk krahasohemi me më parë, nuk ka asnjë krahasim me më parë, atëherë policia ishte inekzistente, atëherë komisarët e policisë vriteshin si pula rrugëve, ma thoni nëse e kam gabim, kujtoj disa funerale që unë si kryetar i opozitës kam ardhur në nderimin e komisarëve të vrarë rrugëve si pulat”- tha Rama.

Kreu i qeverisë gjithashtu renditi edhe me fakte rezultatet e punës së tyre deri më tani, ku theksoi se nga aksioni i ndërmarrë pak kohë më parë nga policia kundër të “fortëve” dhe aseteve të tyre kriminale shkon në vlerën e 35 milionë euro.

“Ka nisur edhe ky sulm konstant. Nuk besoj se duhet shumë inteligjencë për ti dhënë përgjigje kësaj pyetje?

Çdo ditë, rëndom, në mëngjes e darkë, policia e Shtetit është vënë në shënjestër të pandashme, baltosur, sakatuar me fjalë papushim.

Kanë ndodhur shumë gjëra, por po ju them një. Deri tani, pa mbaruar muaji tetor i këtij viti Policia e Shtetit ka sekuestruar nga duart e rrjeteve kriminale 35 mln euro, të cilat në vitin e shkuar, deri në fundin e vitit të shkuar, ishin plot 47 mln euro.

Para të sekuestruara nga krimi. “-tha Rama.

ERTV Live😊: Për Policinë që duam⭐

Publié par Edi Rama sur dimanche 22 octobre 2017

REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *