Edhe njëherë, “fajin” e ka Vetting-u!

Nga Flogert Muça

Çështja “Tahiri” e cila nuk u kthye dot në “Dosje” nga paaftësia e Prokurorisë së Krimeve të Rënda, është prej ditësh tema e debatit politik. Siç e do zakoni në Shqipëri, një temë debatohet fort vetëm kur ndërhyn politika në të, ndaj edhe kjo çështje pas ndërhyrjes së fortë të PD-së e LSI-së që po luajnë rolin e Prokurorit dhe avokatit të Prokurorit, është kthyer në temë dite.

Historia në fakt për opinion publik është shumë e qartë dhe këtë e sheh ngado të pasqyruar në rrjetet sociale, në komente apo statuse qytetarësh. Ajo e Tahirit është një çështje për të cilën Prokuroria nuk ka prova. Fronti opozitar e dinte këtë fakt, ndaj për këtë arsye ka hyrë  për të bërë lojën e saj. Këtë lojë të politikës e cila kërkon të bëjë gjyqe politike për kapital politik nuk po lejohet nga mazhoranca. E cila ka dalë nga parashikimet e Frontit Opozitar duke mos penguar hetimin ndaj deputetit socialist, madje, duke qenë e gatshme t’i japë Prokurorisë aksesin e kontrollit të banesës, moslejimin e udhëtimit jashtë vendit e të tjera procedura që e bëjnë hetimin më të lehtë ndaj Tahirit. Kjo e ka zënë ngushtë Frontin, të cilës gjetkë I fle lepuri, larg Tahirit.

Loja që PD dhe LSI po luajnë mesa duket është përtej “Tahirit” si çështje. Opozita sot i ka dalë në mbrojtje Prokurorisë së Krimeve të Rënda, mbi të cilën Rama dha disa opinione dhe fakte që sipas tij tregojnë se ky institucion është i dështuar. Këtë e ka bërë edhe herë të tjera kryeministri, ambasadori amerikan, BE-ja e të tjerë aktorë e faktorë ne vend.

Pas gafës së Prokurorisë e cila iu përgjigj Ramës me një deklaratë që për hir të së vërtetës do i shkonte përshtat një selie partie dhe jo organit më të lartë të akuzës e cila duhet të merret me hetime dhe prova e jo me politikë, ka reaguar edhe Kryemadhi edhe Basha. Të dy liderët ishin në sintoni të plotë me Prokurorinë dhe kundër Ramës.

Është e natyrshme në fakt që ishin në sintoni me njëri tjetrin, siç është e natyrshme të jenë kundër Ramës sepse, janë në politikë dhe janë kundërshtarë në skenë. Por, “detaji është hoteli ku fshihet djalli” thotë një fjalë e mençur. Bashës i rrëshkiti ose i doli nga subkoishienca një fjalë nga goja që ai se ka dashur kurrë. Fronti këtë fjalë se ka dashur kurrë. VETTING! Ligj i Vettingut doli sot nga goja e Bashës në fund të një preononcimi. I doli në emocion e sipër, duke thënë që ky ligj po merr fund nga deklaratat e Ramës.

Me këtë deklaratë, ai vuri dorën mbi plagën që opozitës i dhemb më shumë dhe nuk do që Vetting-u t’ia prekë. Është pikërisht zbatimi i këtij ligji në fakt halli i madh i Frontit Opozitar dhe Prokurorisë që bën politikë. Ky ligj është në hallkat e tij më të rëndësishme të zbatimit të tij, pas një lufte të gjatë të SHBA-BE-PS përballë PD-LSI-Gjyqësor.

Pikërisht në këtë moment, opozita dhe gjyqësori i vjetër që kërcënohet nga Vetting-u janë lëshuar në sulm frontal, të gjithë në një luftë politike. Duke sulmuar një ish-ministër e më vonë, duke kërcënuar edhe kryeministrin me rastin kroat.

E gjithë kjo luftë politike që vazhdon për më shumë se dy vjet, është në fakt lufta për drejtësi. Ku njëra palë është pro asaj që SHBA-BE ka hedhë si zgjidhje në tryezë dhe pala tjetër që e  ka kapur drejtësinë dhe nuk do ta lëshojë.

Fajin për të gjithë këtë luftë e ka sërish Vettingu, i cili u duk sikur  u zgjidh me marrëveshjen e 18 majit, por që tani është kthyer në pikën A.

 

3 komente në “Edhe njëherë, “fajin” e ka Vetting-u!”

  1. zi says:

    Pertej interesave,
    ne syte e te verteteve,
    fshihet edhe nje shprese e vogel per progres.
    S’pritem asgje nga kriminelet,vec ate qe dihet se cmund te bejne.
    IDEALISTET s’ekziztojne.

  2. Vetingu fillohet nga Kryeministri dhe Presidenti says:

    Vetem t’kisha kohe te lexoja ket shkrim.

    Vetingu fillohet nga Kryeministri dhe Presidenti. Te tjerat jane kot.

  3. faik dobruna says:

    idea e kesaj levizje sipas mendimit time eshte , prekuroria dhe gjykata e dale pas vetingut , duke mos patur prova bindese do te lironin Tahirin, dhe atehere sulmi opozites mbi gjithe procesin e vetingut, …..e zgjedhur nga Rama e blla bllla blla per te shpetuar koken dhe per te shkaktuar trazira si gjithmone ne vend, ,habi shume e madhe se si nje prekuror qe humbet disa procese gjyqesore vazhdon te jete ne pune?? kjo nuk ndodh as ne europ as ne amerike, ndoshta diku ne afrike

Lini një Përgjigje

Adresa juaj email nuk do të bëhet publike. Fushat e domosdoshme shënohen *