Pse i ka mbyllur Prokuroria dosjet e korrupsionit?

5 Nëntor 2017, 17:01Politika TEMA

Nga Artur Ajazi

Mbyllja e hetimeve, mbyllja e dosjeve, (apo mbajtja e tyre pezull për një kohë të gjatë) denigrimi i provave dhe marifete të tjera të këtij lloji, ka vite që përdoren nga segmente të veçanta të organit të akuzës në Shqipëri. Ditët e fundit, ky organ, nuk dihet sepse po nxiton të hapë dosje të “reja” të shpikë “lista të reja”, ndërkohë që ka vite që qindra dosje të vjetra presin të shkojnë në gjykata, dhe as që kanë shansin të shkojnë atje. Kjo ndodh jo vetëm me dosjet penale, por edhe me dosjet e trafikut, por më së shumti ka ndodhur dhe po ndodh edhe me “malin” me dosje të pronave dhe korrupsionit. Asnjë prej dosjeve të korrupsionit, nuk ka vajtur deri në fund, nuk është hetuar me detaje dhe fakte, por shpesh për “njerëzit e mirë” është përdorur marifeti “nuk ka prova të mjaftueshme” nga “çunat” e Tikut.

Realisht organi akuzës ka punuar dhe punon me dy standarde. Kjo ka ndodhur edhe kur KLSh në këto vite ka rekomanduar raporte flagrante nga abuzimet dhe skandalet financiare që vlerësohen në miliona euro, kjo ka ndodhur edhe kur prokurori çështjes ka qenë dhe mbetet nën urdhërat e partisë, apo peng i aferave të tjera të pushtetit. Mjafton të ndalem konkretisht, tek Prokuroritë e rretheve, të cilat kanë të hapura aq shumë dosje penale prej 5-6 vitet e fundit, lidhur me origjinën e rrjetit dhe personave që kanë patur dhe kanë akoma konsumim të veprës penale të shpërdorimit të detyrës, abuzimit me fondet publike, korrupsionit etj. Mjafton të ndalesh në dosjet e korrupsionit në arsimin e lartë, ku hetimi ka shtrirje në disa fakultete të Universiteteve të vendit si në Elbasani, Korçë, Durrës, Shkodër, dhe rezulton se ka vite që ndodh një gjë e tillë.

Mendohet se prej vitesh ka një rrjet të zgjeruar fallcifikatorësh diplomash dhe sekserësh që merren me “peshkimin” e personave që duan të marrin një diplomë të ndonjë prej fakulteteve të këtyre universiteteve, pa ardhur asnjë ditë në shkollë kundrejt një pagese të majme. Natyrshën lind pyetja se kush dhe pse po e mbulon (sa herë që rihapet) skandalin e diplomave në universitetet tona publike, pse mbahen top-sekret hetimet, emrat e pedagogëve në fakultete, dekanëve, ish-drejtuesve apo drejtuesve të rektorateve ? Një gjë e tillë ka ndodhur në mjaft universitete publike të vendit, si në Elbasan, në Durrës, Korçë, Shkodër, ku sërish organet e akuzës mbeten apatike, enigmatike, dhe të përfolurura pavarsisht se kanë vite që hetojnë e mbledhin prova “të pamjaftueshme”. Skandali duket se nuk ka të ndalur ndërkohë që mbahen sekret për median fakte tronditëse edhe për njerëz që duhej të ishin sot në ndjekje penale, si pedagogë, ish-dekanë, ish-rektorë dhe drejtues aktualë të këtyre institucioneve.

Kjo situatë ka ardhur pas zbulimit dhe heshtjes për skandalin e diplomave fallco, të cilat u janë gjetur me firmë dhe vulë dhjetra zyrtarëve (të shkarkuar tashmë, ose të rënë edhe nga pushteti) të cilët i kanë blerë në “sportelet” e universiteteve tona publike. Ky vërtetë përbën një skandal. Diploma të tilla, u janë kapur dhe zbuluar personave të ndryshëm që në 10-15 vitet e fundit kanë gjetur strehë në disa institucione të shtetit, duke nisur nga policia, ushtria, arsimi e shëndetsia, madje ndonjë që ka qenë edhe ish-kryetar komune apo dhe bashkie, dhe që sot janë akoma në ndjekje penale. Por pavarsisht informacionevet të marra në rrugë operative , dhe nisjes së hetimeve, procesi ndaj personave që kanë qenë dhe janë nën akuzë mbetet i zvarritur, enigmatik ose i mbyllur. Skandali ka marrë përmasa të tjera pasi bëhet fjalë për diploma fallco, (madje edhe me vulën e shkollave të mesme të disa prej qytete të vendit) që kanë pajisur në vite shumë persona kundrejt pagesës.

Skandali me diplomat e universiteteve tona publike (duke mos përmendur këtu atyre private) është zbuluar ndoshta fare rastësisht dy –tre vjet më parë, (madje u mbajt për disa muaj i fshehtë) kur në dhjetra raste zyrat e pranimit dhe evidentimit të CV në institucionet e shtetit, kanë veerifikuar dhe zbuluar, se personat që aplikonin për vende pune kishin dëftesa dhe diploma të dyshimta. Menjëherë u ngrit grup pune dhe u konstatua se kishim të bënim me një rrjet fallcifikatorësh që vepronin prej vitesh në disa rrethe.

Hetimet janë shtrirë nga pedagogët , dekanët e ish-rektorët me të cilët bashkëpunonin prej vitesh, deri tek drejtuesit aktualë të këtyre institucioneve akademike. Situata më e fundit në të cilën mbeten të zhytura mjaft universitete publike të vendit, natyrisht ka ardhur nga mungesa e kontrolleve dhe profesionalizmit, si dhe mungesa e aftësisë menaxhuese e drejtuese. Hermetizimi dhe bunkerizimi i organit të akuzës, lë shtegun e hapur për të hamendësuar gjithçka, pasi rezulton se as 50 per qind e dosjeve të hetuara në 5 vitet e fundit nuk kanë mbërritur në gjykata, duke zvarritur apo mbyllur qindra dosje. Ndoshta reformimi organeve të drejtësisë duhet të nisë me urgjencë nga Prokuroria, një institucion më tepër parazitar se prodhimtar, që ka vite që në dyert e gjykatave dërgon shpesh “lëndë të parë të skaduar” duke prodhuar vendime qesharake dhe të kontestueshme.

Prokurorët në rrethe ka vite që “hetojnë” (apo edhe vegjetojnë) mbi dosje, emra dhe denoncime, dhe nuk dihet sepse nuk mbyllen dhe nuk dërgohen në gjykata. E vetmja shpresë mbetet ndëshkimi i SPAK, për çdo prokuror që ka abuzuar me detyrën, të emëruar nga Adriatik Llalla në 7 vitet e mandatit të tij, që kurrë nuk ka qenë motivues të punës në ekip, aq sa edhe brutalë dhe hermetikë me median gjithmonë kur ndaj tyre janë zbuluar fakte kompromentuese të abuzimit me detyrën.

4 komente në “Pse i ka mbyllur Prokuroria dosjet e korrupsionit?”

  1. Petrit Vjosa says:

    Sent: Wednesday, May 04, 2016 at 11:34 PM

    Opinione
    ADRIATIK LLALLA NE REVAN DREJT BURGUT !

    Nga Vikiliksi tek Kartat e pista te “Panamase”

    Vetem 24 ore pas shperthimit te Panamagejtit, Prokuroria e Pergjithshme e Shqiperise nepermjet zyres se saj te Shtypit njoftoi se ka nisur menjehere verifikimet lidhur me emrin e pare qe ka dale ne Shqiperi si i lidhur me skandalin “Panama Papers”. Eshte fjala per kompanine “GFI Technologies” te financuar nga qeveria Berisha ne fundin e mandatit te saj te dyte ne vitin 2013.

    A nuk veproi keshtu ajo edhe per Vikileaksin e famshem.ne vitin 2011 kur u publikuan kabllogramët e Ambasadës Amerikane për mjaft çështje sensitive në atë kohë, si Damir Fazliç, rruga Durrës-Kukës apo Gërdeci. Edhe atehere, Prokuroria e Përgjithshme tha që kishte caktuar një grup përkthyesish që do të monitoronin e grumbullonin të dhënat për Shqipërinë, megjithëse menjëherë pas këtij versioni. Cfare u be!? Cështja u la në harresë.

    Ajo qe e bashkon kete kompani dhe pronarin e saj me Shqiperine eshte jo vetem fakti qe ajo u miratua nga nje qeveri ne ikje. E keqja me e madhe eshte se ajo nuk u hetua e aq me pak u skanue aspak se cfare kapitali kishte, nga vinte kapitali i saj, cfare garancie financiare dhe pastertie kishte nga nje prokuror qe ishte zgjedhur me votat e se njejtes mazhorance.

    A u be ndonjehere Llalla kryeavokat i shtetit shqiptar!?

    A e dini se si perkthehet ne anglisht titulli “Prokuror i Pergjithshem i Republikes se Shqiperise”!? “General Attorney of Republic of Albania” Fjala Attorney ne shqip ka kuptimin e pare Avokat. Pra Prokurori i Pergjithshem eshte Krye-Avokati i Pergjithshem i Republikes se Shqiperise, Kryeavokati i shtetit shqiptar.. A e luajti kete rol Prokurori i Pergjithshem i Republikes se Shqiperise !?

    A e kreu detyren e tij si kryembrojtesi ligjor i Republikes se Shqiperise, detyra kryesore e te cilit eshte te mbroje interesat dhe thelbin e shtetit shqiptar kunder cdo lloj krimi e shkeljeje ligjore nga cilido e kushdo qofte ai edhe kryeministri apo Presidenti i Shqiperise e jo me nga nje kontrabandist kombetar , nje spekullator nderkombetar, nga nje kriminel i sprovuar si Ismail Mulleti e co… te cilit protektoret e sekseret politike ne maje te politikes dhe qeverise shqiptare i dhuruan jo pak por 150 milione euro vetem per ngjyrosjen e naftes shqiptare!?

    Mjafton qe kryeavokati i Shqiperise Adriatik Llalla te futej ne Google dhe te kontrollonte vetem emrin Ismail Mulleti dhe per nje minute aty do te gjendte dhjetra flamuj te kuq, shenja alarmi per ta ndalur kete grabitje multimilioneshe te djerses dhe mundit te shqiptareve, bile edhe per ta arrestuar ne flagrance jo vetem ate por edhe darovitesit e tij Pollo, Bode, Berisha e co. Nuk po flasim per kerkimin e informacioneve nga partneret dhe homologet e vendeve aleate , se pari FBI-se dhe Prokurorit te Pergjithshem te SHBA-se. Po flasim per nje sherbim falas qe e perdorin edhe femijet e klases se pare fillore…

    Sa dosje krimi ka hapur Adriatik Llalla ?

    Nuk po flasim per CEZ-in!? Per Fazlicin ? Per Gerdecin? Per 21 Janarin 2011? Per vjedhjen publike te votave te 8 Majit 2011 ne Tirane ? Per dhjetra hidrocentrale te dhena pa tender mafias se betonit!? Per 7 e me deri qindra vila e apartamente, prona e pasuri te pajustifikuara e te pambuluara edhe me rrogat e jo krejt fisit te shumices se zyrtareve, kryebashkiakeve te ish- kryetareve te komunave nga Tamara e Margegaj … deri ne Konispol, per kusarine masive te pasurive e mundit te shqiptareve … Te gjitha nen hunden e syrin e tij!

    Sa dosje hetimi te filmuara me kamera e botuara deri ne detaje nga mass- media shqiptare ka hapur, hetuar e kopsitur ligjerisht Kryeavokati Shqiptar!?

    Sa ceshtje te denoncuara publikisht edhe nga ambasadore te huaj, si miku me i madh dhe i sprovuar i shqiptareve ai amerikan ka zbuluar e hetuar Prokurori i Pergjithshem i Republikes se Shqiperise Adriatik Lalla ne keto pese vjet te ushtrimit te detyres!?

    A e degjuat cfare e si genjeu pafytyresisht ne intervisten e tij me “Zerin e Amerikes” lidhur me kusarine e korrupsionit masiv ne Shqiperi te denoncuar qindra here nga Uashingtoni e Brukseli e te pandeshkuar nga prokuroria e drejtesia e sterkorruptuar shqiptare!?

    Kur Adriatik Llalla akuzon hapur vetveten

    Pyetjes se Radio “Zeri i Amerikes” per disa raste madhore korrupsioni ne Shqiperi kryeprokurori shqiptar Adriatik Llalla iu beri bisht ne menyren me injorante te mundshme. Ai foli shume por nuk tha asgje.Ai foli por nuk dha asnje pergjigje konkrete. Oret e bizhute i shtrenjta te gjykatesve dhe prokuroreve te korruptuar te denoncuara nga ambasadori amerikan ne Tirane Z. Donald Lu, i quajti si ceshtje qe i takonte per ti verifikuar Instituti i Deklarimit dhe Verfikimit te Pasurive dhe jo atij.
    Nje veteakuzim perfekt i Adriatik Lalles… Para se te katapultohej ne krye te Prokurorise se Pergjithshme shqiptare ai personalisht ka qene Drejtori i Pergjithshem i atij institucioni.
    Sa raste pasurimi te paligjshem ose me metoda korruptive e kriminale pat denoncuar a verifikuar ish- drejtori Llalla!? Zero.
    Sa politikane apo biznesmene te pasuruar me afera kriminale, qe nuk jane vetem tregtia e drogave, trafiku njerezor, prostitucioni, por cdo vlere e fitim i arritur me rruge. me mjete e me menyra te paligjshme ka paraqitur ne organin e akuzes ne kulmin e lulezimit te tyre kur ai drejtonte ate Institut!? Zero….

    Autogolat pafund te kryeprokurorit shqiptar

    Cdo pergjigje pa pergjigje e Adriatik Llalles per “Zerin e Amerikes” ishte nje autogol i mirefillte. Jo nga paaftesia e tij por nga djallezia e tij, nga kontrata me politiken e krimit dhe korrupsionit qe neneshkroi me kapot e Coza Nostras politike shqiptare, si garanci per emerimin e tij ne ate post.
    Ai u emerua edhe ne njerin edhe ne tjetrin post jo per te verifikuar e hetuar aferat e pista e korrupsionin e emeruesve te tij .
    Ai u emerua edhe ne njerin edhe ne tjetrin post jo per te bere krye-avokatin e shtetit shqiptar por per te ushtruar detyren e kryeavokatit te krimit shteteror dhe korrupsionit masiv te atyre qe e emeruan pikerisht per te kryer kete mision te paracaktuar prej tyre.
    A nuk vepronin keshtu kapot e Mafias politike e shteterore italiane, e Coza Nostras dhe Ngradetas italiane me homologet e Llalles ne Itali!?

    Kryeavokati i krimit te Mafias politike e shteteore

    Ai nuk ishte nje zgjedhje e rastit… Ai e kishte kaluar me sukses provimin e besimit te saj qysh ne postin e meparshem ku as nuk verifikoi e as nuk hetoi as edhe nje rast te vetem korrupsioni.
    Me shume se kryeprokurorin e Shtetit Adriatik Lalla ne intervisten e tij me “Zeri i Amerikes” u shfaq si kryeavokat i krimit dhe korrupsionit. ” Nëse një zyrtar i caktuar disponon një pasuri të caktuar, kjo nuk nuk do të thotë se ai është një kriminel, apo shkelës i ligjit. Pasuria mund të fitohet në forma të ndryshme: të trashëgimisë, biznesit e të tjera me radhë. Nuk jam këtu për të mbrojtur një zyrtar të caktuar, por edhe të akuzohet dikush se ka një orë të një përmase, apo unazë të kësaj natyre, mendoj se nuk është mënyra e duhur” tha fjale per fjale Llalla.
    Asnje avokat i krimit nuk do te kishte zgjedhur nje mbrojtje me te ndyre se kjo per perligjen e krimeve te tilla.
    Mire oret e florinjta e bizhuterite, cantat e shtrenjta e kostumet firmato, po vilat qindra- mijera dollareshe e mobiljet luksoze, veturat qindra mijeshe te femijeve, e deri niperve e mbesave, po shkollimet qindra mijera euroshe te femijeve ne kolegje milioneresh , po dhjetra udhetime me avione e pushime sheikesh ne Abu Dabi e Tajlande, ne Sidney e ne Miami….

    A futen vilat e pallatet ne thes … Po blloqet e Gjirit te Lalezit….!

    Po pallatet e vilat e Gjirit te Lalezit e Farkes, te Petreles e Golemit, te Shengjinit e te Ksmailit, te Velipojes e Tushemishtit mos valle a mund te futen ne thes! Nuk futet minarja ne thes , thote sovrani. Te gjithe ua dine pronaret dhe burimin real te ardhurave pervec kryeavokatit te shtetit shqiptar qe ben kryeavokatin e krimit dhe korrupsionit.
    “ka institucione te posacme te cilat merren me verifikimin e pasurive te ketyre zyrtareve”, thote Llalla. Sa raste te tilla ka hetuar ky kryavokat i shtetit!? Sa dosje ka hapur me iniciative ose i detyruar ai dhe institucioni i tij!?
    I jane tretur edhe kockat kryebankierit Artan Santo, te ekzekutuar ne mes te Tiranes dhe ne zemren e shtetit, nen hunden e Presidentit e Kryeprokrurorit, nen hijen e manteleve te zeza te gjykatesve e drejtesise faqezeze shqiptare, te komanduar nga Mafia politike, po i tretet edhe emri e jo me dosja e hapur e gjykatesit vlonjat Konomi te hedhur ne ere diten per diell e ne mes te Vlores, jane harruar emrat e deputetit Fatmir Xhindit ne Fier e Aleksander Kekes e 26 viktimave te Gerdecit e 4 deshmoreve te 21 janarit, ndersa kryeavokati i shtetit Adriatik Llalla ka guximin e flet per ” ceshtje e cila vijon te jete pa autor”.
    E ku !? Ne e perballe kamerave te “Zerit te Amerikes”

    Jo vetem avokat por edhe Bude i krimit !

    U humben diten per diell e ne syrin e kamerave qindra milione dollare te shqiptareve ne tenderin e Albpetrolit dhe hetimi vazhdon pa fund.
    U vodhen gati 8 milione dollare ne Banken e Shtetit Shqiptar dhe shkaperderdhen 30 milione te tjere me blerjen fiktivo- korruptive te Hotel Dajtit per trefishin e vleres qe nuk e ofroi askush. Allishverish i Bankes se Shtetit Shqiptar me qeverine e shtetit shqiptar.
    Ne saje te dopjo- korruptimit te prokurorise dhe gjykates se kapur nga Mafia politike, Ardian Fullani doli jo vetem i pafajshem por edhe ka kurajon te kerkoje rreth 4 milione euro demshperblim nga qeveria e sotme per shkarkimin e tij krejt te ligjshem si Guvernator i Bankes se Shtetit Shqiptar vjedhur nga paaftesia dhe korruptimi i tij.
    Ja si i pergjigjet kryeavokati i Shtetit shqiptar pyetjes se “Zerit te Amerikes” :
    … Perse nuk e cuat ju ceshtjen ne Gjykaten e Larte!?
    “… megjithëse mendimi ynë ka qenë gjithmonë se ky zyrtar ka qenë në shkelje të ligjit, ne i kemi qëndruar deri në fund qëndrimit tonë, pavarësisht vendimit të gjykatës, tani ne nuk kemi mundësi për ta ndryshuar.”

    Adriatik Llalla ne burg !

    I lutem lexuesit te paanshem te pergjigjet pyetjes:
    Cfare perfaqeson Adriatik Llalla me kete pergjigje prej Bude krimi?
    Kryeavokatin e Shtetit shqiptar apo kryeavokatin e krimit !?
    Cila eshte zgjidhja!?
    Ate e dha ne menyre te shkelqyer analisti Dritan Hila me penden e mendjen e tij te arte nen titullin brilliant:
    Adriatik Llalla ne burg !
    Cdo dite e me shume po shton zollumet e tij duke kriminalizuar cdo hallke te prokurorise me prokurore te korruptuar nga Universiteti berishian Plepave , nga Akademite e Domosdoves si Kristali, Vitrina, UET-ti… qe vetem shisnin sa frengu pulen diploma e duke goditur e ndeshkuar prokuroret me te ndershem me profesioniste e me te pakorruptueshem te Shqiperise, sic eshte rasti i sotem i kryesimbolit te tyre Arben Dollapi .
    Peri keputet prej se holli … Zollumi keputet prej se trashi. Pikerisht ky revan kriminalizues i nje krimineli publik si Adriatik Llalla, qe tregohet me gisht nga cdo shqiptar pa dallim partie, feje, krahine, ideje po e con ate cdo dite e me afer prangave te drejtesise dhe qelise se burgut….
    Jo sot! Ai duhet te shkonte ne burg qe diten qe ofendoi si nje rrugac e grushtoi kolegun e tij Shkelqim Hajdari ne sy te prokuroeve te mbare Shqiperise !
    Vetem Presidenti sakat Bujar Nishani e KLD_ja e sterkorruptuar shqiptare nuk e pane e as e degjuan nje akt te tille sa rrugaceror aq edhe kriminal te Adriatik Llalles!
    Nuk kishin se si…. I bashkon kontrata me SHQUP-in !
    Urojme qe shpejt ti bashkojne edhe prangat e ligjit dhe qelite e burgut.
    Drejtesia vonon por nuk harron!

    Petrit Vjosa, London

  2. karamanjastallani says:

    pse I ka mbyll dosjet ?
    ha haaa !
    pse beni hajgare sikur se dini muhabetin!u paguan dhe I mbyllen dosjet.
    kjo eshte stori e njohur ne shqipni. edhe me gjere.. ne gjith globin madje.
    moren pare dhe iku dosja flutroji bashk me fletat e saj

  3. Zgalem says:

    Pretence e plote per Kryeprokurorin , qe meroi Shqiperine ne 5 vjetet me te rendesishem te lulezimit te krimit . Faleminderit Petrit Vjosa ! Zgalem

  4. shvejku says:

    Vetem shteti i Enver Hoxhes i varte ne litar te gjithe keta kriminele,qe sot e kane rrenuar popullin dhe vendin me keq se te ishin pushtues!
    Ja keto jane pasojat e demokracise ne Shqiperi.
    Dhe bota rri e veshtron duke na ngopur me luge te zbrazur ndersa politikanet dhe kriminele si A.Dhalla mbrojne kriminelet aq hapur se kane shpatullat e ngrohta!
    E bene drejtesine cope cope,ndersa vtani me djallezi mashtrojne se do reformojne ate.
    Perralla me mbret!
    E kush do ta reformoje drejtesine?
    Ha ha ha ha ha ha ha haaaaaa!

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje