Mbështetja financiare për fermerët, Ahmetaj: Pajisuni me Nipt, rimbursimi është dhjetëfishuar në vetëm pak vite

Në kuadër të takimeve në qarkun Dibër, në një bashkëbisedim me sipërmarrësit e zonës për buxhetin 2018 dhe paketën fiskale, Ministri i Financave dhe Ekonomisë Arben Ahmetaj dhe Ministri i Bujqësisë Niko Peleshi, kanë folur edhe për mbështetjen që do t’i jepet vitit të ardhshëm, sektorit të bujqësisë.

Ministri Ahmetaj i ftoi fermerët të pajisen me Nipt, si një instrument kyc që jo vetëm ndihmon formalizimin e sektorit, por mbi të gjitha garanton rimbursimin e fermerëve që në vitet e fundit është dhjetëfishuar.

“Unë ju sugjeroj që të krijoni linjën tuaj, netëork-un tuaj dhe të fermerëtve me NIPT dhe t’i tregoni që NIPT-i është bërë për t’i favorizuar.

Dua të ndaj me ju që, po shkon rimbursimi i fermerëve në 20 milionë dollarë. E dini sa ka qenë përpara disa viteve? 2 milionë dollarë. Eshtë rritur 10 herë rimbursimi! Pra, është një instrument favorizimi shumë i madh.

Nëse ju vini me NIPT-in, qeveria ka mundësi t’ju japë 20% mbrapsht. Ne i rimbursojmë me vendim qeverie 20% eksportuesit brenda 30 ditëve dhe prodhuesit siç jeni ju brenda 60 ditëve” – tha Ahmetaj.

Ministri i Bujqësisë Peleshi e vuri theksin tek rritja e mbështetjes financiare për bujqësinë të parashikuar në vitin 2018 në buxhetin e shtetit, por jo vetëm:

“Vitin që vjen, ne do të kemi një fond fal bujarisë edhe të Ministrit të Financave, që është më i madhi që ka pasur ndonjëherë Shqipëria në mbështetje të bujqësisë dhe zhvillimit rural, 2.6 miliardë lekë. Nëqoftëse do t’ia dalim me sukses, mund të hapim brenda këtij viti, edhe IPARD-in. IPARD është një program mbështetjeje i Bashkimit Europian në mbështetje me qeverinë shqiptare që është 93 milionë euro. Pra, viti 2018 do të jetë viti i parë ku ne do të kemi, jam i sigurt, më shumë para se sa sektori dhe sektorët kanë mundësi të thithin” – tha Peleshi.
REMOTE_ADDR:[]

3 komente në “Mbështetja financiare për fermerët, Ahmetaj: Pajisuni me Nipt, rimbursimi është dhjetëfishuar në vetëm pak vite”

  1. artemisa says:

    keni bere nje pune te shkelqyer ne krye te ministrise se financave. ne 4 vite keni bere shume e me shume se 8 vitet e marra bashke te korcarit qe na hidhet pupthi duke akuzuar sot. mos e vrisni mendjen z.ahmetaj po vazhdoni me punen dhe lerini keto palacot te bejne gam gam se vec ate pune dijne te bejne me mire

    1. enea says:

      bravo te dy ministrave per cfare kane bere deri tani ne lidhje me bujqesine, keto politika jane te duhurat per ta transformuar bujqesine ne nje sektore te suksesshem per vendin ku perfiton ekonomia dhe qytetaret e vendit

  2. mirel says:

    Jalla jalla ca nuk po na degjojne veshet..fshataret duhet mu pajis me Nipt.. blini Niptin njehere pastaj merni rimburesim.
    Pa nipt..qipt nuk ka rimburesim.

Lini një Përgjigje

Adresa juaj email nuk do të bëhet publike. Fushat e domosdoshme shënohen *