Përleshja në Kuvendin e Maqedonisë më 27 prill, ja masat për 11 policët

Share on FacebookShare on Google+Tweet about this on TwitterShare on LinkedInShare on Whatsapp

Të paktën 11 policë janë përjashtuar nga puna për ngjarjet e dhunshme më 27 prill në Kuvendin e Maqedonisë.

 

 

Vendimi është marrë pasi është konstatuar veprimi i tyre në kundërshtim me rregullat e MPB-së.

Ata ishin në punë ditën kur në Kuvend ndodhën trazirat, por nuk kanë vepruar në parandalimin e turmës së protestuesve në Kuvend.

Sipas të dhënave jo zyrtare ky numër nuk është përfundimtar pasi pritet të ketë edhe pjesëtarë të tjerë që mund të largohen nga puna për shkak të konstatimit të përgjegjësinë së tyre. Hetimet për ngjarjet e dhunshme në hapësirat e institucionit ligjvënës po zhvillohen nga Prokuroria Publike.

Aktualisht dhjetë persona akuzohen për ushtrim dhune ndaj deputetëve, përfshirë edhe sulmin ndaj Ziadin Selës.

Për momentin vetëm një prej tyre, Panço Angellov është dënuar me 4 vjet burg për sulmin ndaj Radmilla Sheqerincës, e cila në atë kohë ishte deputete e LSDM-së.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

Lini një Përgjigje

Adresa juaj email nuk do të bëhet publike. Fushat e domosdoshme shënohen *