Vrasje dhe vjedhje në emër të Kushtetutës, njihuni me 10 shkeljet më të rënda në 20 vjet

Share on FacebookShare on Google+Tweet about this on TwitterShare on LinkedInShare on Whatsapp

Kushtetuta e Republikës, ligji themeltar i vendit supozohet të jetë garanti i të drejtave të qytetarëve dhe i funksionimit të shtetit ligjor.

Megjithatë, gjatë 20 viteve të fundit, Kushtetuta është përdorur shpesh edhe si një kamzhik në duart e pushtetit, për të goditur kundërshtarët për arsye politike.

Duke nëpërkëmbur emrin e saj, veshur me justifikimin e “Kushtetutës”, në Shqipëri janë kryer edhe shumë akte të turpshme, që variojnë nga urdhëri për vrasje, nga tentativat për të vjedhur zgjedhjet e deri tek grabitjet e rëndomta të pasurive të mëdha.

Lexo.al ju sjell këtë renditje të 10 rasteve më skandaloze të keqpërdorimit të Kushtetutës në vendin tonë.

1. Urdhëri për bombardimin e Vlorës

Është një prej ngjarjeve më famëkeqe, ndonëse pak të njohura të ndodhura gjatë trazirave të 1997-s. Presidenti i Republikës, Sali Berisha urdhëron dy pilotë të skuadriljes së Rinasit të ngrihen në fluturim për të bombarduar popullsinë civile në qytetin e Vlorës. Dy pilotët vendosin të dezertojnë, duke u ulur në Bari. Urdhëri për hapjen zjarr ndaj popullsisë civile, aq më shumë popullisë tënde, është një akt i ndaluar edhe në kohë lufte nga Kushtetuta dhe është një akt flagrant genocidi dhe spastrimi etnik.

2. Grabitja e SHQUP

Presidenti Nishani nënshkroi kalimin e një prone ushtarake në pronësi të një partie politike, në kundërshtim flagrant me Kushtetutën. Në këtë tjetërsim pasurie, Presidenti shkeli nenin 86 të Kushtetutës, i cili thotë se ai përfaqëson unitetin e të gjithë popullit, jo interesat e një partie dhe gjithashtu shkeli ligjin 8 671, për pushtetet dhe autoritetet e komandimit e të drejtimit strategjik të FA të RSH, ndryshuar me ligjin 9 194, datë 19.2.2004. Neni 7 i këtij ligji parashikon të gjitha kompetencat e kreut të shtetit mbi Forcat e Armatosura. Në asnjë pikë të këtij neni nuk parashikohet që kreu i shtetit të firmosë tjetërsimin e objekteve të Ushtrisë.

3. Ligji i gjobave

Maj 2007: Qeveria ndërmerr nismën për miratimin e ligjit “për procedurat tatimore në Republikën e Shqipërisë” ose atë që u konsiderua si “Ligji i gjobave”. Sipas projektit, parashikohej vënia e gjobave nga tatimet në masën 15% edhe pse nuk kishte për këtë një vendim gjykate. Ligjin e kundërshtoi biznesi dhe opozita dhe përfundoi në Gjykatë Kushtetuese.

4. Ligji i dosjeve

16 Dhjetor 2008: Ligji i “Spiunëve”, Berisha akuzon Zamir Shtyllën drejtorin e hetimeve në Prokurorinë e Përgjithshme si hetues komunist. “ky është një ligj që prek shtyllën dhe gjithë shtyllat e tjera” deklaroi Berisha. Zamir Shtylla jep dorëheqjen nga prokuroria, ndërkohë që hetonte çështje të rëndësishme si Gërdeci, Fazlliç e Durrës-Kukës. Rifillon presioni i SHBA: “Dosjet” një ligj me probleme, duhet reflektim dhe debat publik. OSBE gjithashtu del kundër ligjit për “dosjet”: shkelet kushtetuta

5. Marrëveshja e Detit me Greqinë

E nënshkruar nga Lulzim Basha, kjo është një marrëveshje flagrante, e cila bie ndesh me parimin e tërësisë territoriale, një parim themelor mbi të cilin mbështetet Kushtetuta. Gjykata Kushtetuese, e cila vendosi unanimisht në rrëzimin e çështjes, argumentoi midis të tjerash që “është shkelur dhe urdhri 135 i kryeministrit Berisha të datës 23 gusht 2007, firmosur nga Berisha që kërkonte ngritjen e “grupit ndërinstitucional të punës për përcaktimin e shelfit kontinental me vendet fqinjë””. Pavarësisht kësaj, në 2 nëntor 2017, Berisha deklaronte se “Rama i bleu të gjithë gjykatësit me lekë”.

6. Shkarkimi i kreut të SHISH

Bahri Shaqiri u shkarkua papritmas me propozim të Berishës dhe dekret të Nishanit, në shkelje të Kushtetutës pasi nuk u dha asnjë motivacion për këtë. Vendimi zyri në befasi edhe aleatët tanë. Ambasada Amerikane deklaroi atëherë në media: “Shtetet e Bashkuara janë të befasuara nga ky vendim kaq i shpejtë dhe i papritur, duke patur paqartësi për kohën dhe arsyet që kanë çuar në shkarkimin e Bahri Shaqirit”.

7. Lirimi i të burgosurve në 2009-n

Kushtetuta kërkon një dekret të posaçëm për faljen e dënimit, por përpara zgjedhjeve të 2009-s, dhjetëra të burgosur të rrezikshëm u liruan me një akt të thjeshtë administrativ. Atëherë, Rama, si kryetar i opozitës deklaroi: “Trajtimin nga ana e kryeministrit te vendit i lejeve te dhenave per keta vrases, trafikante, perdhunues, si procedure e zakonte administrative qe do te vazhdoje normalisht eshte shprehja me e shembullore e faktit se ky bashkepunim ka qene i qellimte”.

 

8. Refuzimi për nisjen e hetimeve

Në datën 18.04.2012 shtetasi Sokol Hasani ka paraqitur kallëzim pranë Prokurorisë së Përgjithshme Tiranë kundër shtetasit Sali Berisha, Kryeministër i Republikës së Shqipërisë dhe njëkohësisht deputet i Kuvendit të Shqipërisë, për veprat penale të “Shpërdorimit të detyrës” dhe “Moskallëzimit të krimit” sipas neneve 248 e 300 të Kodit Penal. Megjithatë, Prokuroria vendosi në kundërshtim me ligjin dhe Kushtetutën që të mos nisë asnjë hetim ndaj tij. Çështja shkoi deri në Gjykatën Kushtetuese.

9. Zgjedhjet lokale 2011, numërimi për Tiranën


PD ndryshoi procesin e numërimit të votive kur gara kishte përfunduar, gjë që është anormale. PS priste drejtesi nga ana e gjykatësve të Kolegjit Zgjedhor, të cilët duhet të ngriheshin mbi çdo presion dhe interes, për t’i dhënë fund kësaj historie të shëmtuar, duke u bazuar tek kodi zgjedhor. KQZ, siç dihet, nuk hapi krejt kutitë por vetëm afër 200 sosh në mënyrë që të arrihej përmbysja e rezultatit për bashkinë Tiranë. Kolegji Zgjedhor, në përgjigje të ankesave të para, kishte arsyetuar që kutitë u hapën vetëm për një njësi zgjedhore dhe akti, siç quhej, normativ, nuk ishte akt ligjor por akt administrativ.

10. Mosnjohja e Kushtetutës

Ishte Berisha dhe PD ata që do të refuzonin kategorikisht pjesëmarrjen në hartimin e projekt-kushtetutës së vitit 1998, duke e denoncuar këtë draft dhe përpjekjen që po bëhej, me njëqind të zezat. Po vetë Berisha nuk ngurronte më pas ta akuzonte kundërshtarin Nano në qeverisje, se po shkelte kushtetutën, se po bënte akte antikushtetuese etj. Aq më tepër pastaj, kur erdhi vetë në pushtet, që gdhihej e ngrysej me dokumentin themeltar të shtetit në gojë, me atë dokument që deklaroi se “Kurrë” nuk do të njihte. /Lexo.al

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

Lini një Përgjigje

Adresa juaj email nuk do të bëhet publike. Fushat e domosdoshme shënohen *