Edi Paloka tregon objektivin e protestave masive: Nuk duam të heqim Ramën dhe të vemë Bashën, por…

Edi Paloka thotë se të gjitha forcat opozitare janë bërë kundër kryeministrit Edi Rama dhe se protestat e ardhshme kanë për qëllim largimin e qeverisë.

Ai deklaron në News 24 se PD nuk ka si synim që të heqi Ramën dhe të sjelli Bashën në pushtet dhe se këtë përpjekje selia blu po e bën vetëm për mirëqenien e shqiptarëve.

Nënkryetari i PD-së parashikon se në ditët në vijim Fronti i Bashkuar Opozitar do të forcohet pasi sipas tij do t’i bashkohen edhe partitë e tjera.

Paloka shprehet se LSI ka një ngërç pasi ka qenë forcë qeverisëse gjatë tetë viteve të fundit por sipas tij kjo forcë politike ka reflektuar.

Protesta do zhvillohet pas datës 20, me shumë gjasë data 27 janar.

Të gjithë aktet e fundit kanë thelluar krizën në vend, dhe vendosmërinë e opozitës për një qëllim politik, largimin e Edi Ramës.

Opozita e bashkuar sot, dhe parti që do afrohen shumë shpejt, parti të tjera jo të parëndësishme, do bashkohen për largimin e tij. Ky s’mund të qëndrojë më kryeministër i Shqipërisë,” tha Paloka.
(TemA)

REMOTE_ADDR:[]
                 Loading...