A do të kapen “peshq” të mëdhenj deri në maj?

Share on FacebookShare on Google+Tweet about this on TwitterShare on LinkedInShare on Whatsapp

Nga Eduard Zaloshnja

Përmes një postimi në Facebook, ambasadori amerikan në Shqipëri, Donald Lu, u drejtoi një mesazh politikanëve, policëve dhe prokurorëve, ku theksoi se populli shqiptar do që t’i jepet fund pandëshkueshmërisë.

“Ju u zotuat përpara popullit shqiptar dhe përpara nesh. Ne investuam në burimet për t’ju ndihmuar në luftën kundër krimit të organizuar dhe korrupsionit. Ku janë rezultatet? Komuniteti ndërkombëtar kërkon rezultate konkrete përpara vendimeve të rëndësishme këtë pranverë. Tik-tak” – shkroi ambasadori Donald Lu.

Ambasadori Lu e shoqëroi mesazhin me një nga karikaturat e shumta që qarkullojnë në shtyp, ku ai shfaqet në një varkë, duke pritur që ndonjë peshk të bjerë në grepin e tij. Përmes kësaj karikature, duket se ai i është referuar një fjalimi të tij publik në dhjetor, ku deklaroi se brenda muajit janar, do të ndodhnin arrestime me rëndësi, duke përdorur edhe shprehjen popullore se, “më në fund, do të hamë peshkun e madh”.

Edhe përfaqësues të Bashkimit Europian janë shprehur se, rezultatet konkrete në luftën kundër krimit të organizuar dhe korrupsionit do ta shpejtonin integrimin e Shqipërisë dhe hapjen e negociatave. Pritshmëritë e tyre janë se, para samitit europian të Sofies, që do të zhvillohet në maj të këtij viti, do të ndodhin arrestime me rëndësi në Shqipëri, që do t’i hapnin asaj dritën jeshile për fillimin e negociatave të anëtarësimit në BE.

Por ç’mendojnë shqiptarët e thjeshtë rreth shpresave të ambasadorit Lu e të zyrtarëve europianë, për arrestimet e peshqve të mëdhenj para majit?

Nga një sondazh elektronik që zhvillova për një revistë që botohet këtu në anglisht, rezultoi se, vetëm 20% e shqiptarëve besojnë se do të ketë arrestime “peshqish” të mëdhenj deri në maj. Rreth 55% mendojnë se do ketë vetëm arrestime “peshqish e cironkash” të vogla, dhe 25% përgjigjen “Nuk e di”.

Dhe ky mosbesim i shqiptarëve të thjeshtë është i shpjegueshëm. Kur kryeprokurori Llalla u zëvendësua nga kryeprokurorja e përkohshme, Marku, ambasada amerikane deklaroi se u largua një kryeprokuror që nuk ndëshkonte korrupsionin e lartë, dhe se priste të kundërtën nga kryeprokurorja e re. Deklarata të ngjashme bënë edhe zyrtarë europianë. Dhe më pas, fjalët e drejtpërdrejta të ambasadorit Lu, rreth kapjes së “peshqve” të mëdhenj brenda janarit, i shtuan shpresat se pandëshkueshmërisë së “peshqve” të mëdhenj, po i vinte fundi.

Ndër “peshqit” e mëdhenj, më afër “grepit” të prokurorisë, në fillim të janarit, dukej se ishte Saimir Tahiri. Meqenëse ishte në paraburgim njeriu që administronte paratë e kushërinjve të Tahirit, ta donte mendja se prokuroria do të ishte në gjendje të siguronte bashkëpunimin e tij, për të marrë vesh nëse kushërinjtë Habilaj i kishin dhënë një pjesë të fitimeve të tyre Tahirit.

Por në fund të janarit, ky dëshmitar i rëndësishëm u ekstradua në Itali nga Ministria e Drejtësisë, me justifikimin se Prokuroria e Tiranës i ishte përgjigjur që ai person nuk kishte ndonjë çështje penale në atë prokurori (prokurori ku trajtohen çështje si vjedhje dyqankash, sherre banale fqinjësh, etj.). Ndërkohë, Prokuroria e Krimeve të Rënda kishte një çështje të rëndë penale ndaj këtij dëshmitari të rëndësishëm, e prandaj e kishte izoluar në burg të sigurisë së lartë.

Me largimin e dëshmitarit drejt Italisë, Prokuroria e Krimeve të Rënda nuk e ka më në dorë mjetin më të rëndësishëm në dispozicion të saj – ofrimin e imunitetit, në shkëmbim të dëshmive të vlefshme për këdo që kishte përfituar financiarisht nga aktiviteti kriminal i Habilajve (politikanë, kryepolicë, doganierë etj.).

Dhe kur shqiptarët e thjeshtë mësojnë rreth të tilla pehlivanllëqeve që bën Ministria e Drejtësisë, nuk kanë sesi të kenë shpresë se do të arrestohen “peshq” të mëdhenj, deri në maj …

Ndër “peshqit” e mëdhenj afër “grepit” të Prokurorisë, në fillim të janarit, dukej se ishte edhe Shkëlzen Berisha. Kjo sepse u rihap dosja e abuzimeve me privatizimin e OSSHE-së, ku figuronte edhe emri i tij. Dhe kur pritej që Shkëlzen Berisha të thirrej si i pandehur për atë çështje, u thirr vetëm si “person në dijeni të rrethanave të çështjes”…

Dhe kur shqiptarët e thjeshtë mësojnë rreth të tillave xhonglime, nuk kanë sesi të kenë shpresë se do të arrestohen “peshq” të mëdhenj deri në maj …

Po ç’do ndodhë në qoftë se deri në maj, arrestohen vetëm “peshq” të vegjël e “cironka”, si për shembull, Dashamir Xhika, Andi Toma e nëntë zyrtarët e vegjël të drejtorisë së rrugëve ? Me gjasë, Bashkimi Europian do ta shtyjë datën e fillimit të negociatave të anëtarësimit, ndërsa politikanët tanë do të vazhdojnë me planin B.

Rama do t’i rikthehet “marrëdhënies strategjike” me Turqinë e Erdoganit (përveç aeroportit të Vlorës, mund të ketë edhe investime të tjera të mëdha nga bizneset pranë birit të këtij të fundit), ndërkohë që “marrëdhënia strategjike” me Greqinë, mund të kalojë në plan të dytë ose të tretë …

Nga ana tjetër, Berisha do të vazhdojë të kërcënojë me djegie mandatesh, mosbindje civile e revolta popullore, sa herë që prokuroria t’i afrohet sadopak familjes së tij…(AFP.al)

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

12 komente në “A do të kapen “peshq” të mëdhenj deri në maj?”

  1. Sardelet dhe Peshkaqent says:

    Si i bie 6 mujori i pare apo i dyte?

    pastaj, nuk po flasin ma per peshkaqen, horrat anal iste e kazan.

    neser do peshkojne sardele. …..

  2. Spartaku says:

    Mos mendoni se ate qe tha ambasadori Lu qe ne Janar do te kapen peshq te medhenj dhe do behej ashtu menjehere.Por mos harroni se edhe njerezit e korruptuar me ne krye mafien Berisha,Basha,Meta, Monika,Mediu etj,bejne luften e kundert per t’a deshtuar ate qe tha ambasadori.Por e gjitha lufta e te korruptuarve nuk do realizohet,por do beje ate qe te shtyhet kapja e peshqeve te medhenj.Deri tani, prokuroria qe ka filuuar te rinovohet me njerez te pakorruptuar,po punon mire.Kemi shpresa te Amerika dhe Europa.Shkrimi i Zaloshnjes nuk me duket real.

  3. Vladimir says:

    Eh, more Eduard pelivani, te ka prishur pune ajo ministerja e drejtesise me ata drejtoret e hipotekave e te burgjeve qe largoi. Merr hak qerrata!
    – Po si more?
    – Asaj prokurorise se krimeve te renda, qe te ben gjemen, ja hoqi nga dora bashkepunetorin dhe jua dha italianeve.
    – Jazek!

  4. Gjergji says:

    Ndersa Bashkimi Europian eshte kundra korrupsionit,eshe ar i kulluar.Prralla per çiliminj( bebe der ne kater vjeç).
    B.E-ja eshte vete korrupsion i klasit te pare…vete parlamenti europian e pranon se perberia e tij( parlamentit) eshte tej mase e mbushur, vetem e vetem qe shtetet antare te dergojne atje njerzit e tyte.
    Njerzit e tyre me rroge mujore nga 9 der 17 mije euro te thata ne muaj…pa marre parasysh rrogen e dy sekertatve,biletat e udhetimeve,dietat ditore…..SEMINATET mbi te gjitha,etj.
    Nje pyetje per shkruarsin:
    Perse Europa e Bashkuar i pranon ” keta te korruptuarit” ne bashkebisedime e i pret me protokoll sikur te jene mbreter e kaluar mbreterve?!
    U qifsha europen

  5. gora says:

    Prralla me mbret peshqit vec notit ata tani me Kane mesuar dhe te vrapojne. Tashi si mund to kap rrjeta kur ata kane evoluar kaq shume.

  6. perkthyesi says:

    Shume e veshtire te ndodhe! Jetojme ne nje vend te cuditshem!

  7. Zalo says:

    Shume i zgjuar ky djale
    Pse nuk ben nje sondazh per vehten tende ne se qendron ne 20% e zgjuaresise se njerut te zakonshem apo nen te!

  8. peshku mesatar says:

    E he …… peshkun e madh e kishin ne rrjete ene e leshuan ne det te hapur (Tahirin), …. ju rren menja , sa lehte rrehet ky milet !!!!!!

  9. Andon Bushi says:

    Sondazhet elektronike jane me se te pabesueshme .per te mos thene genjeshtra

  10. Plaku Xhuxhumaku says:

    C’eshte nje gje jeshile, qe kendon ne peme?
    – Peshku
    -Si mor peshku?
    -Po peshku.
    -Po si ka hipur ne peme?
    -E kam vene une.
    -Mire, po si jeshil?
    – E kam lyer une me boje.
    -Po mire, si kendon?
    -Ajo eshte per te te ngaterruar ty.

  11. free says:

    Nga Janari ne Maj dhe pas vares ndonje tallava tjeter. Tigani ne zjarr e peshku ne det

  12. Peshkatari somalian says:

    Nuk e besoj Zaloshnja sepse sipas konventave per te drejten e shtimit dhe te shpimit eshte e ndaluar peshkimi apo gjuetia ne muajt Prrill – Maj (pidhit mos ju ndaj) muajt e pjellmimit dhe shumefishimit keshtu nuk ka per te patur gjueti peshku ne muajin Maj ….. ndalohet me ligj .

Lini një Përgjigje

Adresa juaj email nuk do të bëhet publike. Fushat e domosdoshme shënohen *