Champions League/ Ronaldo “magjik” mposht Juventusin, Bajerni triumfon ndaj Sevillias

Share on FacebookShare on Google+Tweet about this on TwitterShare on LinkedInShare on Whatsapp

Reali i Madridit ka hedhur një hap të sigurtë për tu kualifikuar për në fazën gjysëmfinale të kompeticionit të “Uefa Champions League” pas fitores së arritur mbrëmjen e sotme kundër skuadrës së Juventusit.

Një fitore shumë e rëndësishme për skuadrën e drejtuar nga tekniku, Zinedine Zidane, të cilët mposhtën në takimin e parë në transfertë ekipin e Juventusit me rezultatin e pastër 3-0, duke i bërë madrilenët favoritët absolut për të kaluar në raundin tjetër të këtij kompeticionit.

Heroi i “Los Blancos” në këtë takim është padyshim ylli i skuadrës së tyre, Kristiano Ronaldo, që shënoi dy nga golat e këtij takimit që i dhanë këtë triumf mjaft të rëndësishëm Realit që është me një këmbë në fazën e gjysëmfinaleve.

Golin e parë Ronaldo e shënoi që në minutën e dytë të takimit pas një asisiti perfekt të marrë nga ana e Iskos duke mposhtur Buffonin dhe për ta mbyllur pjesën e parë me këtë rezultat, edhe pse rastet për shënim nga të dyja ekipet nuk munguan.

Në pjesën e dytë Reali do të shënonte dhe dy gola të tjerë, dhe në minutën e 64-të do të ishte sërish Krisitano Ronaldo që do të dyfishonte shifrat.

Është një gol i mrekullueshëm i tij me anë të një rrafishate që e dërgon topin në fund të rrjetës së mbrojtur nga Buffon duke bërë një finalizim spektakolar.

Marselo vulosi përfundimisht shifrat në 3-0 në minutën e 72-të të takimit ku i vetëm përballë Buffonit e dërgoi topin pas krahëve të tij.

Një fitore e madhe e Realit që tashmë është një hap pranë kualifikimit pasi sfida tjetër do të luhet në “Santiago Bernabeo” dhe gjithçka do të jetë më e lehtë për ta.

Ndërkohë, një fitore të rëndësishme ka marrë dhe Bajerni i Mynihut në transfertë përballë ekipit të Sevillias duke triumfuar me rezultatin 2-1.

Golat për gjermanët i shënuan Navas një autogol dhe Alcantara, kurse për Sevillian shënoi Sarabia.

Me këtë sukses Bajerni është pranë kualifikimit pasi takimi tjetër do të luhet në “Allianz Arena”.

Kliko KËTU për të parë të gjithë rastet e ndeshjes Juventus-Real Madrid, ndërsa më poshtë golat e takimit. (TemA)

Goli i parë i shënuar nga Ronaldo

Goli i dytë i shënuar nga Ronaldo

Goli i tretë i shënuar nga Marselo

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

Lini një Përgjigje

Adresa juaj email nuk do të bëhet publike. Fushat e domosdoshme shënohen *