“21 janari dhe Gërdeci”, Rama: Më merr të keqen kush thotë se i kam harruar, të gjithë do japin llogari

Kryeministri Edi Rama ka përmendur në foltoren e Kuvendit dy ndër ngjarjet më gjakatare të tranzicionit shqiptar, ’21 janarin’ dhe ‘Gërdecin’.

Shefi i qeverisë i është përgjigjur atyre që thonë se ka harruar drejtësinë për këto çështje, duke nënvizuar se “kujt më thotë që ju e harruat atë që thatë që do shkojnë përpara drejtësisë që bënë 21 Janarin e Gërdecin i them: më merr te keqen, sepse jo vetëm që nuk e kemi harruar por kemi ndërmarrë reformën më të forte.

Është drejtësia që duhet të bëjë drejtësi.

Nuk ka qeveria asnjë të drejtë kushtetuese që të bëjë drejtësi. Kujt më thotë që ju e harruat atë që thatë që do shkojnë përpara drejtësisë që bënë 21 Janarin e Gërdecin i them: më merr te keqen, sepse jo vetëm që nuk e kemi harruar por kemi ndërmarrë reformën më të fortë që do vendosë në shina një sistem drejtësie që do marrë përpara ata që i ngulin çdo ditë thikë pas shpine këtij vendi.

Nëse ka diçka që është e kuptueshme është padurimi i çdo shqiptari që nuk jeton si unë dhe si ju që nuk e kemi problemin se çfarë do hanë fëmijët tanë nesër dhe që kërkon drejtësi.

Sistemi që kemi zgjedhur e përjashton mundësinë e drejtësisë së vendosur nga padurimi dhe është mundësia për të bërë drejtësi duke ngritur një sistem drejtësie të pastër.

Atyre që më thonë se Vettingu është loja se këta ikin vetë, i them: e keni gabim. Të gjithë do japin llogari”, tha Rama.(TemA)

REMOTE_ADDR:[]
                 Loading...