Përdorimet e bishtave të qershive, ja vetitë shëndetësore për veshkat, zemrën dhe mëlçinë

11 Prill 2018, 21:04Shëndeti TEMA

Bishtat e qershive janë të rëndomtë në dukje. Ato janë të parat që hidhen në kosh kur i dorëzohemi kënaqësisë që na japin qershitë.

Por këto bishta të hollë janë të mbushur me vitaminë A, B1 dhe C. Bishtat, gjethet dhe lëvorja e pemës së qershisë janë të gjitha të dobishme për shëndetin e njeriut.

Me bishtat e qershive mund të përgatisni çaj të shijshëm dhe plot vlera.

Informacionet shkencore tregojnë se çaji i bishtave të qershive ndihmon organizmin të shkrijë yndyrnat e tepërta. Do të nxitoheshim nëse do të thoshim se çaji në fjalë mundëson humbjen e peshës.

Por ky çaj i shoqëruar me një jetë aktive dhe ushqim të lehtë padyshim që ndihmon uljen e peshës.

Shkencëtarët pranojnë pa asnjë mëdyshje se bishtat e qershive kanë efekt diuretik dhe si rrjedhojë largojnë lëngjet e tepërta nga organizmi dhe parandalojnë formimin e gurëve në veshka.

Një tjetër karakteristikë e bishtave të qershive, që  është parandalimi i problemeve të zemrës falë uljes së tensionit të gjakut.

Bishtat e qershive kanë efekt pastrues në organizëm sepse ndihmojnë në largimin e shpejtë të toksinave nga trupi.

Nëse dëshironi të shfrytëzoni këto përfitime të çajit të bishtave të qershive, atëherë pini një gotë para se të hani mëngjes dhe një tjetër në mbrëmje.

Provojeni për një periudhe një-dy mujore dhe do të shihni përmirësim.

Konsumi i tepërt i këtij çaji mund të shkaktojë dehidratim, ndaj këshilloheni të mos e kaloni sasinë e dy gotave në ditë.

Nëse vuani nga tensioni i ulët i gjakut dhe diareja, atëherë hiqni dorë plotësisht nga çdo plan për pirjen e këtij çaji.

Vlerat e Çajit të Bishtave të Qershive

Ka efekt qetësues / Shuan etjen / I bën mirë veshkave

Luan rol diuretik / Pastron gjakun / raporton se vonon formimin e gurëve në veshka

Ul kolesterolin / Largon lëngjet e tepërta nga trupi / I bën mirë mëlçisë

Ndihmon në rënien në peshë / Bën mirë kundër infeksioneve në traktin urinar

Si t’i shfrytëzoni vlerat e bishtave të qershive
Përgatitini si çaj

Thajini bishtat duke i shtruar në një letër të pastër dhe duke i lënë në ambient të hapur për disa ditë deri sa të thahen plotësisht.

Përdorni qese letre ose cope për t’i ruajtur për pak kohë. Për një filxhan çaj do t’ju nevojiten 2 lugë çaji me bishta të cilët duhen zier në ujë për 10 minuta.

Bëni banjë

Merrni 4 grushta plot me bishta qershish dhe ziejini në 3 litra ujë për 10 minuta. Shtoni 2-3 shkopinj kanelle dhe 20 gjethe blini.

Lërini të qëndrojnë së bashku për një orë dhe më pas hidheni ujin në vaskë. Ky lëng do t’ju gjallërojë dhe do ta ndihmojë lëkurën.

Të njëjtin lëng mund ta hidhni në një legen ku mund të fusni këmbët për 20 minuta. Thembrat do të zbuten dhe ju do të ndiheni më mirë. (AgroWeb)

3 komente në “Përdorimet e bishtave të qershive, ja vetitë shëndetësore për veshkat, zemrën dhe mëlçinë”

  1. degelisi says:

    Keni harruar qe kane vlera te medha ne trurin e “gazetareve” per krijimtari te larte dhe jane me vlere kundra plakjes ne komunitetin e gazetareve
    Provojeni dhe do mbeteni te kenaqur

  2. beni says:

    Ha ha ha Car e çfar nuk dëgjon sot jo vetëm qershit të shiten por edhe bishtat!!!!
    Ha ha ha kush është ky koqe e ka origjinën në Vatikani

  3. karderrei says:

    Po per koqet mooooo a ben gje ?

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje