Raporti i “Freedom House”, reagon këshilltari i Metës: Një orkestrim mafioz në dëm të integritetit të Presidentit

Drejtori i komunikimit në Presidencë, Emiljano Aleksi ka reaguar pas publikimit të raportit të Freedom House për Shqipërinë dhe konkretisht për pjesën ku thuhej se Meta shihej si simbol i korrupsionit.

Përmes një postimi në facebook Aleksi thotë se raporti është i bazuar në doza kolumbiane dhe e quan një orkestrim mafioz për të krijuar fokuse artificiale në dëm të integritetit të Institucionit të Presidentit të Republikës.

“Dozat kolumbiane mbi të cilat bazohej raporti i “Albanian Freedom House”, jo rastësisht u shoqëruan sot me shkrime nga portale të oligarkisë.

Asgjë e rastësishme por një orkestrim mafioz për të krijuar fokuse artificiale në dëm të integritetit të Institucionit të Presidentit të Republikës.

Me neveri i hedhim poshtë këto provokime të orkestruara në mënyrë mafioze e ordinere, nga portale që përdoren në përpjesëtim të drejtë me koncesionet, në kurriz të qytetarëve shqiptarë”, shkruan Aleksi. (TemA)

REMOTE_ADDR:[]
                 Loading...