Vendimi për kuksianët, reagon Basha: Drejtësi gjysmake, protesta dhe qëndresa qytetare do vazhdojë

Kryetari i Partisë Demokratike Lulzim Basha ka reaguar pas vendimit që mori gjykata e Apelit në Shkodër, për 11 kuksianët duke liruar 7 dhe lënë në burg 4 prej tyre.

Përmes një postimi në facebook Basha thotë se “vendimi i sotëm për lirimin nga arresti të 7 prej kuksianëve të grabitur nga shtëpitë e tyre me urdhër të Edi Ramës, është arritje e protestës dhe rezistencës së qytetarëve”.

Më tej lideri i PD e quan drejtësinë gjysmake pasi sipas Bashës 4 kuksianë mbahen në qeli, ndërkohë që trafikanti ndërkombëtar i drogës Saimir Tahiri është në parlament.

Ndërkaq kryedemokrati thotë se protesta dhe qëndresa qytetare do të vazhdojë. (TemA)

REAGIMI

Vendimi i sotëm për lirimin nga arresti të 7 prej kuksianëve të grabitur nga shtëpitë e tyre me urdhër të Edi Ramës, është arritje e protestës dhe rezistencës së qytetarëve.

Por kjo drejtësi gjysmake është në fakt padrejtësi, sepse 4 kuksianë mbahen në qeli, ndërkohë që trafikanti ndërkombëtar i drogës Sajmir Tahiri është në parlament.

Ky është thelbi i regjimit të Edi Ramës: burg për popullin që ngrihet kundër grabitjes, liri për kriminelët që mbajnë Edi Ramën me paratë e drogës dhe vota të blera.

Ndaj protesta dhe qëndresa qytetare do të vazhdojë. Nga fati i kësaj beteje varet e ardhmja europiane e Shqipërisë. PD është në krah të njerëzve, është në krah të popullit. (TemA)

REMOTE_ADDR:[]
                 Loading...