FOTOT: U filmua duke vjedhur në supermarket, kryebashkiakja e e njohur jep dorëheqjen

Kryebashkiakja e Madridit në Spanjë ka dhënë dorëheqjen pasi shfaqet në një video duke vjedhur në supermarket.

Këto akuza ndaj saj vijnë vetëm disa javë pas akuzave për diplomë masteri të falsifikuar.

Cristina Cifuentes 53 vjeçe, dyshohet se ajo mori pa paguar dy kremra anti-rrudhë që kushtonin 40 euro. Cifuentes i komentoi këto si sulme personale, ndërsa video është filmuar në 2011, dhe 53-vjeçarja mban artikuj në dorë gjatë një kontrolli nga siguria e marketit.

Ajo është një figurë e njohur në Spanjë, dhe prej kohësh ishte nën presion nga kundërshtarët politik për t’u dorëhequr, për shkak të diplomës false.

Në konferencën për shtyp ajo tha se kishte ndërmend të jepte dorëheqjen javën e ardhshme, por e bëri më shpejt një gjë të tillë, për shkak të videos së nxjerrë së fundmi.

Cifuentes, 53 vjeçe, dorëzoi diplomën e masterit të saj javën e kaluar, kur u konstatua se dy firma në dokument ishin të falsifikuara.

Dorëheqja e saj është një goditje për kryeministrin Mariano Rajoy, partia e të cilit është përballur së fundmi me skandale korrupsioni.

Skandali që përfshin Cifuentes ka goditur gjithashtu Universitetin e Mbretit Juan Carlos, nga i cili ajo mori diplomën e falsifikuar. (TemA TV)

                 Loading...