Ministria e Mbrojtjes e Bashkia e Tiranës mbjellin pisha për 42 ushtarët dëshmorë. Xhaçka e Veliaj: Misioni ynë, mbrojtja e pasurisë së përbashkët

29 Prill 2018, 13:22Sociale TEMA
Ministria e Mbrojtjes e Bashkia e Tiranës mbjellin pisha për 42

Pas Parkut të Liqenit Artificial dhe atij të Farkës, edhe Parku i Liqenit të Vaqarrit po kthehet shpejt në një hapësirë të gjelbër dhe mushkëri e tretë për Tiranën. Edhe pse fushata e mbjelljeve është mbyllur prej pak ditësh, biznese dhe disa institucione shtetërore dhuruan 4 mijë pisha të zeza dhe të buta, të cilat u mbollën sot në Parkun e Vaqarrit.

Aksionit iu bashkua edhe Ministria e Mbrojtjes, e cila kontribuoi në mbjelljen e pemëve në kujtim të 42 ushtarëve të rënë dëshmorë në misionet ushtarake. Kryetari i Bashkisë së Tiranës, Erion Veliaj, dhe ministrja e Mbrotjes, Olta Xhaçka, u shprehën se t’i shërbesh qytetit është një detyrë qytetare për këdo, pavarësisht nëse je ushtarak apo njeri i thjeshtë.

“Jam shumë i lumtur sot që bashkë me Oltën, mikeshën time, bashkë me shumë trupa të ushtrisë, i dhamë fund një aksioni që, në fakt, më shumë se një aksion ushtarak, është një aksion qytetar.

Pavarësisht çfarë angazhimesh kemi, dikush si ministër, dikush si komandant, dikush tjetër si ushtar, kemi të gjithë një detyrë: detyra e të qenit qytetarë. Të gjithë jemi thirrur sot në detyrën e qytetarit, me uniformë dhe pa uniformë, që t’i japim një ‘grand finale’ fushatës sonë së mbjelljes së pemëve”, tha kreu i Bashkisë së Tiranës.

Veliaj falenderoi në mënyrë të veçantë të gjithë efektivët e forcave ushtarake për kontributin e dhënë dhe theksoi se pemët e mbjella janë vetëm një pjesë e një sërë investimesh që do prekin Parkun e Vaqarrit, për ta kthyer edhe atë në një hapësirë të mirëfilltë rekreative dhe tërheqëse për banorët e Tiranës.

“Gjatë gjithë fundjavës miqtë tanë nga ushtria hapën mbi 4 mijë gropa, ku u mbollën mbi 4 mijë filiza, në një zonë të degraduar të liqenit të Prushit, në Vaqarr, shumë pranë Tiranës.

Siç po transformohet Liqeni i Farkës apo i Kasharit, që janë kthyer në valvula shkarkimi për pjesët urbane të Tiranës, të njëjtën gjë parashikojmë edhe për Kombinatin, që deri në fund të këtij mandati dhe pastaj mandatin tjetër, ta kthejmë zonën e liqenit të Prushit në një hapësirë çlodhëse për ta”, shtoi Veliaj.

Ministrja e Mbrojtjes, Olta Xhaçka, përgëzoi kryebashkiakun Veliaj për modelin që ka sjellë në krye të Bashkisë së Tiranës, duke lënë një kontribut të vlefshëm edhe për brezat e ardhshëm të qytetit.

“Për mua është kënaqësi e veçantë që ju bashkohem në këtë model kaq të bukur dhe të jashtëzakonshëm, që ti me shembullin tënd po promovon, por sigurisht të gjithë bashkë, për t’i dhënë Tiranës atë që shumë bukur e quajtët: “Paja e gjeneratës së ardhshme”.

Sot kemi ardhur në emër të 8 mijë efektivëve të Forcave të Armatosura. Sot, kemi ardhur këtu edhe për një simbolikë të veçantë sepse sot kemi mbjellë edhe 42 fidanë në shenjë dashurie, respekti dhe mirënjohjeje për 42 të rënët tanë në krye të detyrës, 42 “Dëshmorët e Atdheut”. Në muajin dhjetor mbollëm 2000 rrënjë ullinj në ambientet publike pranë reparteve”, u shpreh ministrja Xhaçka.

Xhaçka siguroi për angazhimin e vazhdueshëm të Forcave të Armatosura për të mbështetur nisma të tilla pozitive për komunitetin.

“Kjo nuk është vetëm një përpjekje e izoluar, duam të mbështesim komunitetin, duam të jemi më pranë tyre, të kurojmë pasurinë tonë të përbashkët.

Ashtu siç bëni ju me shembullin tuaj çdo ditë, edhe ne do të jemi të angazhuar vit pas viti, bashkë me Forcat e Armatosura, në të tilla fushata dhe do t’ju mbështesim sa herë që të keni nevojë në këtë gjë të jashtëzakonshme që po bëni për brezat e ardhshëm. Faleminderit që na bëtë pjesë”, tha ajo.

Kryebashkiaku Veliaj shtoi se krahas shtimit të gjelbërimit, në këtë park do të shtohen dhe investimet në infrastrukturë, për ta bërë këtë hapësirë të aksesueshme nga qytetarët.

Pishat që u mbollën sot u dhuruan edhe nga: Green Farm-Lushnje, Liridon Latifi, Universiteti i Neë York-ut, Sëiss Contact, Alsar, Sport Club Tirana, Fondacioni Mysliman, Bega shpk, Universiteti Mesdhetar, Shkolla e Mesme Ekonomike dhe shkolla “Sinan Tafaj”.

8 komente në “Ministria e Mbrojtjes e Bashkia e Tiranës mbjellin pisha për 42 ushtarët dëshmorë. Xhaçka e Veliaj: Misioni ynë, mbrojtja e pasurisë së përbashkët”

  1. Gallate says:

    Nuk duan peme per babain e tyre te vrare femijet e tyre,por duan babain ose demshperblimin per t’u rritur sikur te ishte babai gjalle!
    Pemet le t’i mbjellin puntoret e Bashkise!
    Akoma ju mbetet rob te aksioneve komuniste?
    Turpi ju mbulofte!
    Veliaj- nje brigadier i pa afte kooperative!

    1. like says:

      aksionet komuniste me dhune jane nje gje e aksionet me mendje te paster eshte tjeter gje. ti po deshe ik e mbill, po deshe fryj plencin duke pare televisor. ajo qe Nuk kuptoj eshte se pse perpiqesh te ndalosh njerezit te punojne per mire kur e bejne me deshire e qofte me pagese qofte pa pagese.
      sa per kalamajte e heronjve, pse perpiqesh tu mohosh nje peme si kujtim ne nder te atit? mos po ju mohoet pensioni ne kembim te nje peme?
      sa derra e dosa ka shqipria si puna jote, nje me teper Nuk shton gje, po ajt se do edukoesh edhe ti si njeri. kur u be majmuni njeri do behet edhe derri.

  2. Gjin bue shpata says:

    Shihi uniformat?! Ushtria e popullit ushtar. Ju marrte lumi ju marrte.

  3. ERION FIKU says:

    Unë jam: punëtor i vogël dhe i thjeshtë lopate NË PARASKENË.
    UNË JAM: PËRGJEGJËSI I KULLAVE TË TIRANËS NË PRAPASKENË.

    1. 3 PYETJE PËR ERION FIKUN says:

      @ LALI ERI,
      KAM 3 PYETJE PER TY:
      1.
      Me sa e shite kilen e fikut qe studjove ne SHBA ???
      2.
      Sa tone fiq shite me trasta qe bere dasmen ne KALA ???
      3.
      Cili Kryetar Bashkie ta dha lejen per shitjen e fikut ne RRUGE ???

  4. Përjetësisht says:

    Po tani, uniformat i ka dhuruar ushtria e Sudanit.
    Po nuk mbollën fiq nuk ka lekë për uniforma të botës së parë..??

  5. shqiptari says:

    PO pse vetem 42 pem zonja ministre , po nizamet pa mbarim qe kan luftuar per perandorin turke ne at koh nuk duan pem , se te dy palet njesoj jan as njeri dhe as tjetri nuk jan vrar per atdheun , por per rrogen e tyre ne sherbim te te tretve ,keshtu ne kemi plot deshmor se kemi dhe ata qe luftonin me para per italin fashiste edhe ata rrogtar ishin per te tretet luftuan si 42 ;deshmoret e tu : AS NJERI NGA KTA QE PERMEND TI DHE UN NUK JAN VRAR PER ATDHEUN . por ne kte koh per xhdo gje qe te vritesh deshmor je.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje