Komunizmi “hyn vjedhurazi” në SHBA, studentët kinezë themelojnë celula komuniste në universitetet amerikane

Share on FacebookShare on Google+Tweet about this on TwitterShare on LinkedInShare on Whatsapp

Në korrik të vitit të kaluar, një grup prej 9 studentësh nga Huanzhong University që merrte pjesë në një program veror në Universitetin e Ilinoisit themeloi një degë të Partisë Komuniste.

Grupi mbajti takime të rregullta në konviktin e universitetit, ku u diskutua për ideologjinë partiake.

Universiteti kinez kishte dërguar bashkë me studentët edhe 4 profesorë, të cilët do të jepnin direktiva për ngritjen e një celule partie dhe do të shërbenin si udhëheqës ideologjikë gjatë kohës së qëndrimit në SHBA.

Universiteti i Ilinoisit ka partneritet me disa universitete kineze, me të cilat shkëmbejnë rregullisht programe.

Të paktën dy prej këtyre universiteteve i kanë udhëzuar studentët të formojnë celula të tilla në kampusin universitar Urbana-Champain, shkruan “Foreign Policy”, e cila u referohet artikujve të postuar në faqen e universitetit (që rezultojnë të fshirë).

Të kthyer në vendin e tyre, studentët kinezë janë pyetur në lidhje me performancën e tyre në këtë aspekt në SHBA.

“Pasi u kthyem në Kinë, ne patëm takime tek e tek me profesorët tanë. Biseduam për performancën vetjake dhe ato të shokëve gjatë qëndrimit në SHBA”, citohet një student.

Por mesa duket, Ilinoisi nuk është i vetmi universitet që është përballur me këtë fenomen. Celula të tilla janë shfaqur në Kaliforni, Ohajo, Nju-Jork, Konektikar, Dakotën e Veriut dhe Virxhinian Perëndimore.

Këto celula duket se janë pjesë e një strategjie, e cila është intensifikuar gjatë drejtimit të presidentit Xi Jingping.

Kjo strategji ka për qëllim zgjerimin e kontrollit të drejtpërdrejtë të Partisë Komuniste në nivel global dhe mbrojtjen e studentëve që udhëtojnë jashtë nga ato që regjimi i konsideron si ideologji të dëmshme.

Në funksion të kësaj të fundit përdoren edhe intervistat pas kthimit, kur studentët merren në intervista private gjatë të cilave raportojnë për veten dhe shokët.

Qëkur mori pushtetin në fund të vitit 2012, presidenti Xi Jingping ka ndërmarrë një fushatë të gjerë që ka për qëllim përqendrimin e pushtetit partiak në duart e tij. (TemA TV)

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

4 komente në “Komunizmi “hyn vjedhurazi” në SHBA, studentët kinezë themelojnë celula komuniste në universitetet amerikane”

  1. Usa says:

    O gazetar, ma shpjegon se ku bie shteti Konektikar ne USA se se kam idene?!

  2. IVONI says:

    ZOTI GAZETAR , KOMUNIZMI STUDIOHET NE SHUME UNIVERSITETE BILE DHE NE AMERIKE , PASI SI FILOZOFI ESHTE SHUME TERHEQESE DHE SIDOMOS NE RRETHANAT E ZHVILLIMIT MODERN SHOQEROR , KJO FILOZOFI SHUME TERHEQESE ESHTE EUROPIANE ,” STRATEGET” E PARE TE SAJ I PERKISNIN ANGLISE DHE GJERMANISE , DERI TEK “BOLSHJEVISTI” I LAVDISHEM LENIN QE I VURI NE JETE ..! “AROMA” E KENDESHME E KETYRE IDESH , SI ARROME E”LULEVE TE MAJIT ” ESHTE PASTRUESE E AMBIENTIT NE NJE PLANET TE MBUSHUR ME TYM DHE BLOZE NGA LUFTENXITESIT E HETUR PER FITIME ..! MJAFT ME TRILLIME TE KOTA PER KINEZET ..!

    1. Desaret says:

      Komunizmi vërtetë studiohet edhe në universitete, por aty të tregojnë edhe makabritetet e kësaj ideologjie. Të tregojnë edhe 100 milionët e vrarë në Kore, Kubë, BS, Kinë, Vietnam, Kamboxhia, Shqipëri etj. Në universitete të tregojnë edhe mjerimin dhe mizerjen që shkakton kjo ideologji djallëzore.

  3. lalai says:

    Komunizmi HYN VJEDHURAZI NE USA,kur Partia Komuniste o formua aty😎😎😎😎.
    Ik mësoni historine…

Lini një Përgjigje te Usa Anuloje përgjigjen

Adresa juaj email nuk do të bëhet publike. Fushat e domosdoshme shënohen *