E ardhmja e BE-së, Merkel bën lëvizjen e radhës

7 Maj 2018, 16:41Politika TEMA

Kancelarja Angela Merkel tha se kontakti me njerëzit do të ndihmojë për të formësuar Bashkimin Evropian.

Në një shkolle në Berlin Merkeli tha se Gjermania dhe Franca kanë pozicione të përbashkëta në shumë çështje.

Qeveria gjermane do të flasë deri në vjeshtë, në shumë aktivitete në Gjermani për BE. Synimi do të jetë që të dëgjohet më shumë për dëshirat dhe shqetësimet e qytetarëve dhe për të nxjerrë nga kjo përfundime për formësimin e Evropës.

“Ne do të përpiqemi tani që në kuadër të dialogut evropian të jemi në kontakt me më shumë njerëz”, tha Kancelarja Merkel pas takimit të parë në Shkollën-Jane-Addams në Berlin.

Aktivitete pro BE në shumicën e 28 shteteve të BE

Gati të 28 shtetet anëtare të BE marrin pjesë në këto veprimtari. Ideja është e Presidentit francez Emmanuel Macron. “Unë e rimora atë me shumë dëshirë”, tha Merkeli. Në verë Merkeli dhe Macroni do të paraqesin ide

të përbashkëta për rigjallërimin e Evropës. Midis Francës dhe Gjermanisë Kancelarja Merkel sheh shumë përbashkësi.

Angela Merkel tha se për politikën evropiane Gjermania dhe Franca kanë pozicione të përbashkëta në pjesën më të madhe të çështjeve.

“Përbashkësitë janë në të gjitha çështjet bazore”, tha ajo të hënën duke vizituar shkollën në fjalë.

Kjo vlen për politikën e azilit, për shumicën e çështjeve të ekonomisë, për mbrojtjen e klimës, për kërkimet si dhe inovacionit.

E njëjta gjë mund të thuhet për temën e sigurimit të kufijve të jashtëm të BE dhe shumicën e temave të politikës së jashtme.

“Atje ku ne kemi nganjëherë thekse të ndryshme është çështja se si do të zhvillohet Euro”, tha Merkel.

Gjermania i kushton shpesh rëndësi më të madhe aftësisë për konkurrencë, në një kohë që Franca ngul këmbë për të ecur shpejt së bashku. Sipas pikëpamjes së saj, BE do të mbetet në një të ardhme të afërt një bashkësi shtetesh.  (DW)

1 komente në “E ardhmja e BE-së, Merkel bën lëvizjen e radhës”

  1. Me Largimin e ps nga qeveria dhe mbyllje partie,dhe me nje qeveri te re,pa koka te vjetra ne politik,shqiperia ne 2022 kishte hyre ne B-E.
    me ps lsi ase ne 2050 ten jo.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje