Edi Rama: Fatmir Xhafaj s’duhet të përgjigjet as ligjërisht dhe as moralisht, do qendrojë në detyrë. Për këtë rast do ketë burg, video-përgjimi është montazh

Kryeministri Edi Rama tha se Fatmir Xhafaj nuk ka pse përgjigjet as ligjërisht dhe as moralisht, për akuzat e fundit.

Ai tha se pasi dëgjoi Berishën, është i bindur se video-përgjimi nuk është autentik.

Bindje që e ka marrë dhe nga ekspertiza ndërkombëtare e bërë për video-përgjimin.

Rama u shpreh  se do të ketë burg për këtë rast, pasi kërkohet destabilizimi i vendit.

“Sot ministri i Brendshëm nuk duhet të përgjigjet as ligjërisht, por as moralisht.  

Nga Italia nuk ka pasur asnjë kërkesë për ekstradimin e vëllait të Fatmir Xhafajt.

Por sot vëllai i ministrit ka marrë rrugën vetë për në burg.

Por ne si qeveri nuk mund ta çonim në burg, kur s’kishim ndonjë kërkesë.

Për mua në gjithë këtë histori s’ka pasur asgjë të panjohur.

Deri kur doli video-përgjimi, nuk ka pasur asnjë veprimtari të dyshimtë, që të lidhte dy vëllezërit Xhafaj.

Lidhur me marrëzinë e nenit të ekstradimit, unë s’kam asgjë për të dhënë, pasi për këtë ka folur vetë BE.

Përsa i përket materialit audio-kompromentues, për të cilin Saliu tha se e kemi bërë me kujdes dhe nuk e nxjerrim dëshmitarin, se kemi frikë mos na e vrasin, mua ajo përgjigje më mjafton.

Mua më mjafton kjo për t’ju thënë se nuk jemi para një akti kompromentues kundër ministrit, por para një materiali jo autentik dhe një mashtrim, me të cilin kërkohet të destabilizohet vendi.

SHQUPI e ka dërguar këtë material në çdo kancelari europiane, për të mbajtur të motivuar deputetët e Europës që janë kundër çeljes së negociatave për Shqipërinë.

Fatmir Xhafaj do vazhdojë detyrën e tij, por Prokuroria do të bëjë detyrën e saj.

Kush e organizoi këtë lojë të ndyrë përmes një mashtrimi të tillë publik dhe për të goditur Shqipërinë, duhet të paguajë sipas ligjeve, dhe dënimi është me burg”, tha Rama.

Unë e kam marrë mbrëmë përgjigjen e analizës shkencore të kryer në një ndër laboratorët më seriozë të botës, mua ajo përgjigje më mjafton. Po bëj një parantezë, jo për të bërtitur montazh-montazh.

Po më mjafton për t’iu thënë juve se nuk jemi përpara një akti kompromentues të ministrit të Brendshëm po akti mashtrimi të një materiali autentik përmes të cilit synohet destabilizimi i qeverisjes dhe shkatërrimi i segmentit të fundit për çeljen e negociatave të Shqipërisë në BE.

Një overdozë balte për të mbajtur të motiuar deputetë në Europë që të bien ndesh çeljes së negociatave me Shqipërinë, duke i treguar të tjerëve se çfarë hataje ka ndodhur në Shqipëri”, u shpreh kryeministri. (TemA)

Rama kërkon ekspertizë ndërkombëtare për video-përgjimin: Njerëzit më thonë mos e lësho Fatmirin si Saimirin, por unë s’jam Saliu

REMOTE_ADDR:[]
                 Loading...