Speciale: Kush janë skuadrat që e kanë fituar më shumë trofuen e Kupës së Botës

Share on FacebookShare on Google+Tweet about this on TwitterShare on LinkedInShare on Whatsapp

TemA

Kampionati Botëror do të startojë pas dy ditësh në “Rusi 2018” ku për një muaj do të mbajë të mbërthyer përpara ekranit të gjithë dashamirësit e këtij sporti.

Kampionati Botëror është një nga ngjarjet më të rëndësishme dhe pritet me interes dhe entuziasëm nga të gjithë sportdashësit që do të mbështesin skuadrën e tyre të zemrës.

Para pak ditësh FIFA publikoi listën e skuadrave pretendente që kanë më shumë mundësi për të ngritur lart Kupën e Botës.

Brazili, Franca, Gjermania, Spanja dhe Argjentina ishin ekipet që kishin më shumë shanse që këtë vit të fitonin trofeun e Kupës së Botës në Rusi.

Por kush janë skuadrat që e kanë fituar më shumë trofeun e Kupës së Botës.

Më poshtë po përcjellim listën e Kombëtareve që kanë fituar trofeun e Botërorit.

1.Brazili – 5 Kupa Bote

Kombëtarja braziliane mban vendin e parë si skuadra që e ka fituar më së shumti këtë trofe. “Seleçao” numëron pesë Kupa Bote duke qenë ekipi që renditet në vendin e parë sa i përket numrit të trofeve. Kupën e parë të Botës, Brazili e ka fituar në vitin 1958 ku kampionati Botëror zhvillohej në Suedi. Në finale brazilianët mundën po skuadrën  e vendit organizator ekipin e Suedisë me rezultatin 5-2. Brazili arriti që ta ruante sërish trofeun e Kupës së Botës dhe pas katër viteve, ku në vitin 1962 në Botërorin e zhvilluar në Kili mundën në finale ekipin e Çekosllovakisë me rezultatin 3-1. Në vitin 1970 do të ishte sërish rradha e Brazilit që të merrte trofeun e tretë në Botërorin e organizuar në Meksikë duke mundur në finale me shifrat 4-1 Italinë. Suksesi i katërt do të arrihej në vitin 1994 në SHBA duke mundur sërish në finale përfaqësuesen italianë kësaj rradhe fal 11 metërshave, ndërsa trofeu i pestë dhe i fundit për ta është fituar në vitin 2002  në Botërorin e zhvilluar në Japoni duke mposhtur në finale ekipin e Gjermanisë më rezultatin 2-0.

Risultati immagini per brazil 2002

2.Italia – 4 Kupa Bote

Në vendin e dytë pas Brazilit vjen kombëtarja italiane e cila është dhe një nga mungesat më të mëdha të këtij Botërori. “Axurrët” nuk arritën dot të kualifikoheshin për në fazën e grupeve pas eleminimit të bërë në fazën e “play-offit” nga ana e skuadrës së Suedisë. Italianët janë përfaqësuesja që numëron katër Kupa Bote. Triumfin e parë ata e kanë marrë në 1934 në Botërorin e zhvilluar në vendin e tyre duke mposhtur në finale me shifrat 2-1 në kohën shtesë Çekosllovakinë. Italia arriti që të ruante trofeun dhe pas katër vitve në 1938 në Botërorin e zhvilluar në Francë ku mundën në finale kësaj rradhe Hungarinë me shifrat 4-2. Trofeu i tretë për “Axurrët” do të vinte në vitin 1982 në Spanjë ku fituan në finale përballë Gjermanisë me shifrat 3-1. Kurse trofeu i fundit është ai i vitit 2006 në Botërorin e Gjermnaise ku italianët bën një kampionat spektakolar edhe pse vinin nga një tronditje që mori Seria A në atë periudhë pas skandalit të “Calciopolit”  duke ngritur lart Kupën e Botës pas fitores në finale me 11 metërsha ndaj Francës.

Risultati immagini per italia 2006

3.Gjermania – 4 Kupa Bote

Edhe Kombëtarja Gjermanë numëron po katër Kupa Bote sa ka dhe Italia. Trefou i parë për përfaqësuesen Gjermane është fituar në vitin 1954 në Zvicër ku mundën në finale ekipin e Hungarisë 3-2. Suksesi i dytë i “Pancerave” ishtë në vitin 1974 në Botërorin e luajtur në vendin e tyre duke triumfuar përballë Holandës me shifrat 2-1. Në 1990 do të ishtë viti që Kupa e Botës do të fitohej për herë të tretë nga Gjermania në Botërorin e organizuar në Itali duke mundur në finale Argjentinën me rezultatin 1-0. Ndërsa trofeu i katërt është në Botërorin e fundit që u luajt në Brazil në 2014 duke mundur sërish Argjentinën fal një goli të shënuar në kohën shtesë nga talenti Mario Gëce.

Risultati immagini per gjermania 2014

4.Uruguai – 2 Kupa Bote

Uruguai është një tjetër përfaqësuese në listën e skuadrave që e ka fituar këtë trofe. Uruguai është dhe kombëtarja që e ka fituar për herë parë këtë trofe që u zhvilluar në vitin 1930 në vendin e tyre. Në finalen e parë përballë Argjentinës, Uruguai fitoi me shifrat 4-2. Ndërsa Botërorin e dytë Uruguai e ka fituar në vitin 1950 duke mposhtur në finale Brazili me rezultatin 2-1 që ishte dhe vendi organizator.

Immagine correlata

5.Argjentina – 2 Kupa Bote

Ashtu si Uruguai, edhe Argjentina numëron në vitrinën e saj dy Kupa Bote. Tofeun e parë argjentinasit e kanë fituar në vitin 1978 ku ishin vetë organizatorët e këtij eventi duke mposhtur në finale skuadrën e Holandës me rezultatin 3-1 në kohën shtesë. Kurse triumfi i dytë ishte në vitin 1986 në Botërorin e luajtur në Meksikë ku Argjentina fitoi në finale përballë Gjermanisë me shifrat 3-2. Argjentina është një nga favoritet për të fituar Kupën e Botës dhe këtë vit, të cilët kanë pjesë të skuadrës së tyre një nga lojtarët më të mirë të Botës siç është Lionel Messi i cili do të kërkojë që ta fitojë për herë të parë këtë trofeu për ta bërë dhe më të përkryer karrirën e tij.

Risultati immagini per argentina 1986

6.Anglia, Franca, Spanja – 1 Kupë Bote

Anglia, Franca dhe Spanja, janë gjithashtu Kombëtaret që janë në listën e skuadrave që e kanë fituar Kupën e Botës. “Tre Luanët” për herë të parë Kampionatin Botëror e kanë fituar në vitin 1966 duke fituar në finale në kohën shtesë skuadrën e Gjermanisë me shifrat 4-2 të cilët ishin dhe organizatorët e Botërorit.

Risultati immagini per england 1966

Franca e ka fituar në vitin 1998 duke mundur në finale përfaqësuesen e Brazilit me rezultatin e pastër 3-0. Dhe francezët ishin vetë organizatorët e këtij eventi.

Immagine correlata

Ndërsa, Spanja e ka fituar në vitin 2010 në Botërorin e zhvilluar në Afrikën e Jugut. Spanjollët që drejtoheshin nga Vinsente Del Boske triumfuan në finale përballë Holandës me rezultatin 1-0 fal një goli të shënuar në kohën shtesë nga mesfushori Andres Iniesta.

Risultati immagini per spain 2010

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

Lini një Përgjigje

Adresa juaj email nuk do të bëhet publike. Fushat e domosdoshme shënohen *