“Lufta” për teatrin, Taulant Balla: PD po e përdor Robert Ndrenikën si mish për top!

Partia Socialiste i është përgjigjur thirrjeve të aktorit të madh Robert Ndrenika se tani ka ardhur koha të ngujohen brenda në Teatër për të mos e lejuar prishjen e tij.

Kreu i grupit parlamentar të PS-së i shkruan Ndrenikës se po përdoret si mish për top nga Partia Demokratike dhe se deputetët e PD-së nuk e kanë seriozisht “luftën” për teatrin.

“Për nevoja të skenaristit të Shqupit, që sot nuk kishin ndonjë lajm me babale, u munduan t’ju përdorin përsëri ju mish për top në teatrin e tyre të radhës.

Më beso i dashur Robert, nëse Ti beson se Albana Vokshi apo Lulzim Basha e kanë megjithë shpirt “luftën” për Teatrin, është njëlloj sikur të besosh që Lulzimi është Robert Deniro dhe Albana është Julia Roberts” shkruan Balla.

Sa i përket mbledhjes së sotme të komisionit të medias, ky i fundit nënvizon se nuk është e vërtetë se ishte e bojkotuar nga deputetët e PS.

Ai shton se kryesuesja e komisionit Albana Vokshi organizoi një mbledhje private, duke shtuar se mbledhja e radhës ishte e parashikuar në datën 18 qershor.(TemA)

REMOTE_ADDR:[]
                 Loading...