Plas te Gjermania, kërkohet largimi i dy lojtarëve

13 Qershor 2018, 11:38Sport TEMA

Steffan Effenberg, ish-futbollisti i njohur i kombëtares së Gjermanisë, ka shprehur mospajtimin e tij me vendimin e Federatës së Futbollit të këtij vendi për të mos dëbuar nga kombëtarja Mesut Ozil dhe Ilkay Gundogan, pas takimit të tyre të fundit dhe shumë të diskutueshëm me presidentin e Turqisë, Recep Tayyip Erdogan.

“Nëse DBF udhëhiqet nga vlerat, siç gjithmonë përpiqet të transmetojë, vendimi i vetëm që përshtatet në këtë rast është kombëtarja pa këta dy lojtarë.

Me mua, apo me Uli Stein nuk ka reaguar njësoj. Unë nuk shoh një vijë të caktuar”, – tha Effenberg (49 vjeç) në një intervistë për portalin “T-Online”, shkruan Telesport.

Ish-lojtari e krahasoi rastin e dy lojtarëve me prejardhje turke me të vetin.

Në Kupën e Botës së SHBA, në vitin 1994, Effenberg, atëherë lojtar i Fiorentinës, u hoq nga “Mannschaft”, pas u fotografua duke bërë një gjest të pahijshëm me gishtin e tij për publikun gjerman, në ndeshjen kundër Koresë së Jugut, në Dallas.

Trajneri i stolit të Gjermanisë asokohe, Berti Vogts, tha se Effenberg nuk do të luajë më, sa të ishte ai trajner, një post që e mbajti deri në vitin 1998.

Effenberg u kthye vetëm për të luajtur dy ndeshje ndërkombëtare në karrierën e tij, vetëm dy miqësore të fundit, në shtator 1998.

Pavarësisht se tregoi mospajtimin e tij me atë vendim, Effenberg beson se tani është koha për të mbështetur kombëtaren:

“Nuk do të jetë e lehtë për të dy, sepse tani po kritikohen edhe nga faktorë të tjerë të futbollit. Sidoqoftë, vendimi është marrë”.

Ish-lojtari i Bayernit tregoi ndjeshmërinë e tij me atë që lojtarët tani mund të ndjejnë:

“Gundogan u vërshëllye nga publiku ndaj Arabisë Saudite. Kjo është më e keqja që mund të ndodhë.

E kam provuar edhe unë në vitin 1994. Ju ngrihen shumë pyetje në kokë.

A ia vlen ta veshësh këtë fanellë? Sa do të zgjasë? A është kjo vetëm një çështje futbolli, apo më shumë? Është diçka dramatike”.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje