ÇMIMET: Na veshjet tek elektroshtëpiaket, ja si krahasohemi me Europën

20 Qershor 2018, 14:53Ekonomia TEMA

Eurostat ka publikuar indeksin e nivelit të çmimeve në vendet e Bashkimit Europian dhe vendet kandidate.

Niveli i çmimeve në Shqipëri për 2017-n përllogaritet sa 52% e mesatares së Bashkimit Europian.

Në rajon nivelin më të lartë e ka Mali i Zi ku ky indeks llogaritet sa 55% e mesatares së BE-së. Nivelin më të ulët (çmimet më të lira në krahasim me Be-në) e ka Maqedonia, sa 47% e mesatares.

Duke iu referuar kategorive, për pajisjet elektorinike niveli i çmimeve është i më i lartë se Bashkimi Europian. Bazuar në publikimin e Eurostat, çmimet për pajisjet elektronike janë sa 106% e mesatares së BE-së. Së bashku me Serbinë, e cila ka një nivel prej 108% të mesatares, qytetarët serb dhe shqiptar paguajnë çmime me të shtrenjta se qytetarës  e BE-së.

Edhe për sa i përket nivelit të çmimeve të veshjeve, veshjet janë po aq të shtrenjat në Shqipëri sa në Bashkimin Europian. Sipas indeksit të nivelit të çmimeve, veshjet në vend kushtojnë sa 97% e mesatares së BE-së.

Çmimet më të lira janë për kategorinë e restoranteve dhe hoteleve, të cilat llogariten sa 40% e mesatares së BE-së.

Një ditë më parë Eurostat publikoi të dhënat mbi konsumin dhe të ardhurat për frymë në Bashkimin Europian edhe në vendet kandidate, ku Shqipëria kishte nivelin më të ulët të të ardhurave për frymë dhe konsumin.

Sipas të dhënave të publikuara nga Eurostat, të ardhurat mesatare për frymë të shqiptarët  ishin sa 29% e mesatares së Bashkimit Europian, nga 30% që ky tregues ishte një vit më parë.

Pas nesh renditet Bosnja me 32%, e cila dikur kishte një tregues më të përkeqësuar se Shqipëria, por që na e kaloi në vitin 2016.

Të ardhurat më të larta për frymë ndër vendet e Ballkanit Perëndimor i Mali i Zi, të cilat në 2017-n ishin 46%. Më pas renditen Serbia dhe Maqedonia me të ardhura për frymë sa 37% e mesatares së Bashkimit Europian.

Edhe konsumi është më i ulëti në rajon. Për 2017-n, konsumi për frymë llogaritej 37% e Bashkimit Europian, sipas të dhënave të publikuara nga Eurostat.

Nivelin më të lartë të konsumit për frymë në rajon e mban Mali i Zi. Konsumi për frymë u llogarit bë 2017-n sa 57% e mesatares së Bashkimit Europian.

Serbia renditet e dyta me 46%, pasuar nga Bosnja dhe nga Maqedonia me përkatësisht 42 dhe 41%.

Në Europë, nivelin më të lartë të çmimeve e kanë vendet si Islanda, Noregjia dhe Zvicra. Ndërsa më të ulëtin vendet e Europës Lindore dhe Qendrore.(monitor)

1 komente në “ÇMIMET: Na veshjet tek elektroshtëpiaket, ja si krahasohemi me Europën”

  1. gjergji says:

    Shqiptaret ikin nga Shqiperia per tu pasuruar me rruge te ndyre ose me hajdutllek,kurvnillek ose shitesa droge/Po thuaj 80% e te rinjeve qe ikin nga Shqiteria e jane te moshes 18-28 vjec perfundojne burgjeve te shteteve te BE.Kjo eshte kaq e vertete e po aq e dhimbshme.Ne Shqiperi te gjitha sendet ushqimore,shtepijat,veshjet,elektroshtepijaket e ne pergjithese Shporta e blerjeve familjare eshte 4 here me pak se ne vendet e konsumit te BE.Ne shqiperi ka pushime me teper se cdo vend tjeter I Europes,punohet shume me pak se shumica dermuese e vendeve,Deri tani nuk kan paguar as taksa kur bota zhvilluar paguan 35% deri 40% takes te llogaritur nga rroga brutto.Shqiptaret harxhojne rreth 464 euro per cdo person ne vit per pushime jashte.(1.3miljard euro shpendzimet e shqiptareve per pushime jashte pjestoje me 2.8miljon banor) qe eshte nje shume jashtezakonisht e larte.Si perfundim ku eshte kjo varferi e madhe ne Shqiperi?

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje