Franca është kombëtarja e parë që ka prerë biletën e finales për në Botërorin e Rusisë, pasi ka arritur të eliminojë Belgjikën në gjysmëfinale me rezultatin 1-0.
Goli i Umtitit vendosi fatin e takimit, ndërsa historia e francezëve në Rusi është vendosur gjatë kohëve të fundit në krahasim edhe me suksesin e Italisë gjatë vitit 2006, kur ata shpalleshin kampion bote.
Por ish-sulmuesi italian, Luka Toni, nuk pranon krahasime të tilla.
“Franca ka lojtarë të rinj të cilët janë të fortë. Unë mendoj se kanë një skuadër të fortë dhe e merituan finalen dhe pse pamë një lojë të balancuar me Belgjikën. A janë ata njësoj si Italia e 2006? Ne ishim…ne.
Unë e shikoj veten time te Xhirud. Jam kurioz, ne kemi karakteristika të ngjashme edhe me Kristiano Ronaldo.
Këtë të fundit jam kurioz ta shikoj në Itali, pasi futbolli jonë është i ndryshëm nga të tjerët, por ai është një kampion dhe do të bëj mirë”, ka thënë Toni.