“Më dhunon fizikisht dhe psikologjikisht ish-gruaja e bashkëshortit” Ky ka qenë denoncimi i regjistruar në Policinë e Durrësit ku një 40 vjeçare ka kërkuar urdhër-mbrojtje.
Referuar komunikatës zyrtare, mësohet se shtetasja me inicialet R.M, ka kallëzuar shtetasen me inicialet M.K., për dhunë fizike dhe psikologjike.
Ndër të tjera policia njofton:
“Sipas njoftimit te policisë, më datë 11.07.2018, u plotësua kërkesë-padia për lëshimin e urdhrit të mbrojtje së menjëhershme, për shtetasen R.M., vjeçe 40, banues në Durrës, pasi dyshohet se ish bashkëshortja e burrit shtetasja M.K., vjeçe 32, ka ushtruar dhunë fizike e psikologjike ndaj saj.
Materialet i kaluan Gjykatës së Shkallës së Parë Durrës. Ligji nr. 9669, datë 18.12.2006, “Për masat ndaj dhunës në marrëdhëniet familjare”, raporton policia. (TemA)