Jari ndryshon qëndrim për bazën ushtarake të NATO

Share on FacebookShare on Google+Tweet about this on TwitterShare on LinkedInShare on Whatsapp

Mbrëmë gjatë gjithë natës Jari nuk kishte gjumë dhe po përgjonte Twitter-at rreth Shqipërisë.

Diku nga mesnata pikasi një Twitter të gazetarit anglez Tim Judah, që fliste për bazën e NATO-s në Shqipëri.

I ndërhyri menjëherë.

“Baza e NATO-s është vetëm në Facebook-n e Ramës.

Është një gënjeshtër.”

Por pas këtij Twitteri, sot në mëngjes, në vend të merrte lavdërime, mori kritika.

I pari e qortroi Tritani.

-Ça ke bërë, ça ke bërë me atë Twitter-in.

-Asgjë, i tha Jari. I ndërhyra atij anglezit që promovon bazën e NATO-s të Ed Ramës.

-E ke gabim, e ke gabim. Duhet ta mbështesim. Kam fol me Doktorin.

-Po ne kemi një javë që e sulmojmë, si do ta mbështesim tani, i tha Jari.

-E di Doktori, e di Doktori!

Pas kësaj, nuk vonoi dhe reagimi i Doktorit.

Ai kishte zbuluar se këtë bazën e kishte dashur ta bënte dhe ai qysh më 2011, por ndodhi 21 janari, dhe Rama e sabotoi.

Pastaj erdhi Kodheli dhe ajo donte ta mbillte me drogë Kuçovën, dhe u shty për tani.

Pasi lexoi dhe këtë reagim, Jari u trondit shumë.

Nuk dinte si të anullonte Twitterin.

Dhe bëri sqarimin e tij të zakonshëm:

“Të nderuar demokratë. Jari ju sqaron.

Kur them se baza është vetëm në Facebook-un e Edi Ramës, e kam fjalën se ministrat e tjerë nuk e kanë në Facebook.

E ka vetëm ai dhe Olta Xhaçka.

Në një ngjarje të tillë të madhe si kjo, duhet ta kishin në Facebook të gjithë.

Por Edi Rama nuk e ka me zemër bazën ushtarake, ndaj nuk ua ka vënë me detyrim gjithë të tjerëve.

Se bazën ushtarake e kam përmendur unë që në vitin 1991 në Shkollën e Bashkuar, kur deshën të na heqin bustin e Enver Hoxhës.

U thashë dhe bazë e NATO-s të vijë këtu, bustin se prek njeri.

Aty ka qenë zanafilla e parë e kërkesës sime për bazë ushtarake.”

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

4 komente në “Jari ndryshon qëndrim për bazën ushtarake të NATO”

  1. Shaba says:

    Ju I merrni te keqen Jarit! Degjoni se cthote ai, por nuk shikoni se cben dhe kujt i perket. Vertet ai beri thirrje per mbrojtjen e bustit te Enverit, por kjo ishte thjesht nje diversion. Si simpatizan i math i Amerikaneve ai hiqej kundra, qe me vone te depertonte thelle ne qarqet antiamerikane per ti sherbyer ceshtjes Shqiptare. Sot ai ja arriti qellimit. Bazat ushtarake Amerikane jane perhapur gjithandej dhe kontributi i Jarit eshte I padiskutueshem. Deklaratat e tij kunder NATOS ne te kaluaren si Enverist, ishin thjesht kamuflazh.

  2. Pensoonisti says:

    Jari si strateg i ushtrise duhet ti akordoje nje dekorate bazes seNATO-s do ti jepte lezet .

  3. PENSIONISTI says:

    Jari si strateg i fushes do ti jepte lezet ti akordonte nje dekorate bazes se NATO-s

  4. PENSIONISTI says:

    D.M.TH.DUHET TI THEMICILI JETI ZOTI SORGE ?

Lini një Përgjigje

Adresa juaj email nuk do të bëhet publike. Fushat e domosdoshme shënohen *