Ish ministri i LSI mbron gjyqtaren e akuzuar, tregon një “rrëfenjë” me Vetting: Gjyqtarët që kanë lidhur kalin në vendin…

Ish-ministri i Drejtësisë Ylli Manjani mbron gjyqtaren e Vlorës të akuzuar se ka liruar nga burgu një të akuzuar për vrasje.

Madje duke iu rikthyer rastit të dy gjyqtarëve nga Vlora, ku njeri e ka kaluar atë dhe tjetri jo, ndonëse kanë pasur të njëjtin “kontakt” bën dhe ironinë e rastit përmes një “rrëfenje me Vetting”.

Në një postim në rrjetet sociale, Manjani  shkruan se “kontakti” është mik i qeverisë dhe ai që e ka kaluar vettingun i ka pasur lidhjet me të forta me të, ndërsa tjetri akoma është duke luftuar me argumente dhe prova, si e si ta kalojë.

Postimi i plotë i Manjanit:

Një ngjarje nga vettingu.

Dy gjyqtarë, të dy nga Vlora, të dy të akuzuar për njohje me të njëjtin “kontakt të papërshtatshëm”, njëri kalon vetting-un ndërsa tjetri jo!

 “Kontakti i papërshtstshëm” paska qenë me “fat” për njërin dhe “ters” për tjetrin. Gojët e liga, sugjerojnë që “kontakti” është mik me qeverinë e sotme.

Sidoqoftë, ligjërisht ky trajtim i pabarabartë quhet Diskriminim!

Pabarazia para ligjit është rregull sundues në ligjet e pushtetit.

“Kaluesi” i vetting, qartësisht e ka lidhur kalin në “vendin e duhur”, pra tek qeveria.

“Ngelësi” lufton me argumente e prova…

Të shohim kolegjin! Por, vështirë…

OMN proteston për çdo rast, por jo për këtë!

Asnjë çudi!

RamaForma këtë fytyra ka!(TemA)

 

REMOTE_ADDR:[]
                 Loading...