Gratë australiane hedhin në gjyq gjigantin gjerman të farmaceutikës

Share on FacebookShare on Google+Tweet about this on TwitterShare on LinkedInShare on Whatsapp

Gjiganti gjerman i farmaceutikës, “Bayer”, është përballë akuzave të shumë grave në lidhje me një pajisje që përdoret për të parandaluar shtatzëninë e padëshiruar.

Disa gra në Australi kanë ndërmarrë një nismë ligjore, me argumentin se spiralja “Essure” u ka shkaktuar probleme shëndetësore.

Ankesa të ngjashme ka pasur në lidhje me këtë pajisje edhe në Britaninë e Madhe, SHBA dhe Kanada.

Femrat që e kanë përdorur ankohen për dhimbje kronike dhe reaksion ndaj nikelit.

Vetë “Bayer” thotë se pajisja është e sigurt, por në korrik ajo është tërhequr nga tregu amerikan, ndërsa në disa vende të tjera shitja është ndaluar, duke e shpjeguar këtë me “arsye komerciale”.

Implanti i vogël në trajtë spiraleje përbëhet nga nikeli dhe fibra të poliestrës.

Ajo përdoret si pajisje sterilizimi, pas ndalon vezën të arrijë në mitër.

Pajisja vendoset në tubat e Fallopit, ku shkakton fillimisht inflamacion. Më pas, në të njëjtin vend ndërtohet ind i ri, i cili bllokon tubat.

Por shumë gra ankohen se u është dashur ndërhyrje kirurgjikale për ta hequr spiralen.

Një grua në Australi tha se një nga efektet anësore të përdorimit të saj ka qenë humbja e kujtesës për 8 vjet.

Komplikacione të tjera kanë të bëjnë me hemorragji mestruale të çrregullt, inflamacion në zonën e legenit, dhimbje gjatë kontaktit seksual, ulje e dëshirës seksuale dhe dhimbje muskujsh.

Sipas vetë kompanisë “Bayer”, të paktën 750 mijë pajisje të tilla janë shitur në të gjithë botën. (TemA TV)

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

1 komente në “Gratë australiane hedhin në gjyq gjigantin gjerman të farmaceutikës”

  1. says:

    Dhe migrantët shqiptar të hedhin në gjyq qeverin Greke dhe Italiane për Krim ndaj njerzimit me eliminime fizike

Lini një Përgjigje

Adresa juaj email nuk do të bëhet publike. Fushat e domosdoshme shënohen *