STUDIMI: Tumoret përdorin “dronë” biologjikë kundër sistemit imunitar

18 Gusht 2018, 10:05Shëndeti TEMA

Qelizat tumoriale lëshojnë dronë të vërtetë biologjikë për të luftuar në distancë sistemin imunitar.

Janë fshikëza të vogla (që quhen esozome) të cilat hyjnë në qarkullimin e gjakut duke mbartur me vete një armë shumë të fuqishme, proteinën PD-L1, që shkatërron “rojat” e sistemit imunitar para se ato t’i afrohen tumorit.

“Këto esozome, janë të pranishme edhe në tumorin e mushkërive dhe të gjirit. 

Në të ardhmen mund të përdoren për të parashikuar dhe monitoruar përgjigjen në pacientët që janë duke zhvilluar terapi”, shpjegojnë studiuesit e Universitetit të Pensilvanisë në një studim të publikuar në revistën “Nature”, rapoton ata.

“Imunoterapia shpëton jetën në shumë raste të melanomës metastatike, por rreth 70% e pacientëve nuk i bëjnë dot kurat”, shpjegon biologu Wei Guo.

“Këto trajtime janë të kushtueshme dhe mund të kenë efekte anësore serioze, për këtë arsye, do të ishte shumë e dobishme që të dihej paraprakisht se cilët pacientë mund të përfitojnë”, shton ai.

“Të identifikuarit të një shënuesi biologjik në gjak mund të na ndihmojë që të bëjmë këto parashikime dhe, për pasojë, të monitorojmë efektshërinë e kurave.

Ky është një tjetër hap në drejtim të mjeksësisë së personalizuar dhe të saktë”, përfundon Guo.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje