Ana e erët dhe e panjohur e Raikkonenit: Alkool dhe “party” pafund

Share on FacebookShare on Google+Tweet about this on TwitterShare on LinkedInShare on Whatsapp

Në pritje të përkthimit në gjuhën angleze dhe shpërndarjes në libraritë e mbarë globit, kanë nisur të bëjnë bujë kopjet e para të shpërndara të autobiografisë së Kimi Raikkonenit.

Piloti i Ferrarit vendosi të tregojë disa prej sekreteve të tij më intime, si dhe detajeve të fshehura për publikun, në librin “Kimi, Tuntematon” (Kimi sekret), një botim që u bë i mundur falë bashkëpunimit me shkrimtarin Hotakainen.

Muaj të tërë në krah të pilotit të Ferrarit i shërbyen shkrimtarit nordik për të mbledhur rrëfime unike dhe për të regjistruar detaje interesante të jetës së një piloti, në dukje i akullt, por me shumë çmenduri të provuara.

Piloti skandinav i garave spektakolare të Formulës 1 ndalet në librin e tij në problemet me leximin, të folurën, vuan nga astma dhe ra për shumë kohë në vorbullën e rrezikshme të alkoolit, aty ku kërkoi strehim nga stresi i madh.

Kimi Raikkonen rrëfeu gjithashtu sesi bëri një garë spektakolare në Çmimin e Madh të Spanjës, në vitin 2012.

Asokohe arriti të ngjitej në podium pas një feste që kishte zgjatur plot 16 orë.

Për të apasionuarit e Formulës 1, libri është një mundësi e artë për të njohur më mirë pilotin finlandez, që është pjesë e historisë së garave.

Këtë fundjavë rikthehet kampionati me Çmimin e Madh të Belgjikës, ndërsa javën e ardhshme garohet në Monza.

Pikërisht këtu, Kimi Raikkonen shpreson se do të vijë edhe konfirmimi për qëndrimin te Ferrari, të paktën edhe një sezon.(TCH)

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

1 komente në “Ana e erët dhe e panjohur e Raikkonenit: Alkool dhe “party” pafund”

  1. says:

    Dhe policia në shumicën e rasteve bëjnë si pilot të formula 1 duke vënë në rrezik jetën e qytetareve.

Lini një Përgjigje

Adresa juaj email nuk do të bëhet publike. Fushat e domosdoshme shënohen *