Kanabisi e plak trurin para kohe

Share on FacebookShare on Google+Tweet about this on TwitterShare on LinkedInShare on Whatsapp

Problemet mendore si skizofrenia apo ato më të lehta si ankthi, por edhe përdorimi i kanabisit dhe alkoolit e plakin trurin në mënyrë të parakohshme.

Ky është përfundimi i një prej studimeve më të mëdha të kryera me anë të skanimit të trurit.

Në funksion të tij janë analizuar imazhet cerebrale të 31 227 personave.

Truri i njeriut përbën vetëm 2% të masës trupore, por furnizohet nga rreth 20% e gjakut që pompohet nga zemra dhe kalon nëpër enët e gjakut që arrijnë gjatësinë 370 milje.

Ka prova se problemet që lindin në këto enë të holla gjaku u paraprijnë ndryshimeve në indin cerebral dhe aftësitë konjitive.

Studimi i kryer nga hulumtuesit e Amen Clinics, Google, John Hopkins University, University of California Los Angeles dhe University of California San Francisco, është përqendruar pikërisht në këto ndryshime.

Ekipi ka analizuar modelet e qarkullimit të gjakut në 128 zona të trurit duke përdorur tomografinë e kompjuterizuar dhe emetimin e fotoneve (SPECT).

Analizat treguan se plakja cerebrale ka lidhje me ndryshimin e fluksit të gjakut, ndërsa konsumimi i kanabisit lidhet me një plakje të parakohshme prej 2.8 vitesh më shpejt.

Faktorë të tjerë që ndikojnë në plakjen e parakohshme të trurit rezultuan skizofrenia (4 vjet), çrregullimet bipolare (1.6 vjet), çrregullimet ADHD (1.4 vjet), konsumi i alkoolit (0.6 vjet), por edhe ankthi.

Studiuesit thonë se analiza të mëtejshme do të zbulojnë se si çrregullimet psikiatrike e ndryshojnë skemën sipas të cilës lëviz gjaku në tru.

Por ata theksojnë se zbulimi që abuzimi me marijuanën ndikon në plakjen e trurit ka rëndësi të veçantë, në kohën kur kultura moderne ka nisur ta shohë këtë lëndë si padëmshme. (TemA TV)

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

Lini një Përgjigje

Adresa juaj email nuk do të bëhet publike. Fushat e domosdoshme shënohen *