Anketa e qeverisë: 23 % e bizneseve pohuan se inspektorët kërkojnë ryshfet

Share on FacebookShare on Google+Tweet about this on TwitterShare on LinkedInShare on Whatsapp

Inspektorët e agjencive dhe inspektorateve të ndryshme gjithmonë kanë qenë në shënjestrën e akuzave për korrupsion, por një anketim i qeverisë nëpërmjet Ministrisë së Sipërmarrjes nxori në pah se 23 për qind e bizneseve kanë pohuar se iu është kërkuar ryshfet gjate procesit te kontrollit.

Ky përfundim vjen nga një sondazh i bërë në dhjetor të vitit të shkuar.

Ryshfeti u është kërkuar për të mbuluar mungesën e dokumentacionit përkatës dhe mosplotësimit të kritereve ligjore.

Bizneset pohuan se 66.8% të rasteve inspektorët janë të pajisur me autorizimin përkatës, por në 33 për qind të rasteve ato nuk e kanë një autorizim kontrolli.

Bizneset kanë pohuar se në 56.5% të rasteve inspektorët janë të prirur të vendosin gjoba apo të kryejnë pezullime. Gjithashtu bizneset kanë pohuar se gjobat në shumë raste janë shumë të larta në raport me shkeljet e gjetura.

Qeveria tashmë ka nisur një proces reformimi të agjencive qeveritare dhe të gjitha inspektorateve dhe në këtë kuadër Ministria e Sipërmarrjes zhvilloi një një Pyetësor për Biznesin, me qëllim mbledhjen e opinioneve tuaja rreth shërbimit të inspektorateve, ky anketës ju përgjigjen 587 biznese në të gjithë sektorët e ekonomisë.

Qeveria synon që duke ofruar disa shërbime online të shmangë keqtrajtimin e qytetarëve dhe bizneseve nga kontrollet fizike të inspektoreve.

Që nga ky vit 90 për qind e autorizimeve doganore të jepen online. Ky shërbim mund të bëhet nga shtëpia, madje edhe nga telefoni.

Qeveria ka nisur një proces për të fshirë 10 licenca, teksa synon të eliminojë 142 dokumente të cilat nuk do të kërkohen më për asnjë shërbim të ofruar nga Ministria e infrastrukturës dhe Energjisë dhe institucionet e saj të varësisë.

Gjithashtu rreth 201 dokumente do merren drejtpërdrejt nga platforma elektronike të vete institucioneve publike, përmes ndërveprimit me platformën elektronike e-Albania, ose ndërveprimit dhe komunikimit me institucionet publike përkatëse.

Numri i shërbimeve që Ministria e infrastrukturës dhe Energjisë aktualisht ofron, reduktohet nga 59 në 13 duke transferuar 46 prej tyre në institucione varësie apo palë të treta.

Ndërkohë që e njëjta metodike është ndjekur edhe për rastin e institucioneve të vartësisë ku reduktohet numri i shërbimeve nga 201 në 111 duke transferuar 90 prej tyre në palë të treta të akredituara për këto shërbime, ose organizata jo qeveritare apo dhoma të tregtisë e industrisë.(Monitor)

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

5 komente në “Anketa e qeverisë: 23 % e bizneseve pohuan se inspektorët kërkojnë ryshfet”

  1. sapa says:

    Cfaredo forme te perdoret edhe online korrupsjoni nuk zhduket.Fundja e fundit edhe online jane shqiptaret qe jane mbas kompjuterit.Prandaj te nderuar shqiptare gati per jashte shtetit qe te perjetoni shtet!

  2. ilir says:

    Po 77% cfar thane?
    Kjo ka rendesi

  3. Ledhi says:

    Ankete per te marre vesh se kush eshte i korruptuar?
    Po he a mund te na thone ndonje emer?
    Kurre!
    Kjo eshte propagande se gjoja po luftojne korrupsionin njelloj si Don Kishoti me mullinjte e eres!
    Populli i tregon ujkun Rames ndersa ai thote gjurmet!
    Po babai nuk mund te ndeshkoje djalin per korrupsion!
    Rama jo vetem nuk do qe te luftohet korrupsioni,por eshte vete nxitesi i tij!

  4. ela says:

    Genjejne ,jo 23% por te gjithe biznest ankohen sepse te gjithe hajdutat e LSI-se me nje drejtor LSI- te kontrolli jane te gjithe hajdute,prandaj ka rene dakord vasilika vjero per ti mbajt LSI-stat

  5. Klea says:

    Administrata rames eshte e krimbur. Vjedhin ata vjedh edhe rama me kope.

Lini një Përgjigje te Ledhi Anuloje përgjigjen

Adresa juaj email nuk do të bëhet publike. Fushat e domosdoshme shënohen *