Zvicra, “shqiponja” mund t’i mohojë shiritin e kapitenit Granit Xhakës

Share on FacebookShare on Google+Tweet about this on TwitterShare on LinkedInShare on Whatsapp

Kur Granit Xhaka dhe Xherdan Shaqiri festuan si të çmendur për golat e shënuar ndaj Serbisë, ndoshta nuk e kishin menduar se thuajse gjysma e opinionit publik në Zvicër do ta kthente në çështje kombëtare, diçka që duhej të kufizohej në futboll.

Por, muaj nga suksesi epik dhe gëzimi me shqiponjën në Botërorin rus, për lojtarët e përfaqësueses helvete vazhdojnë presionet.

Për ndeshjen ndaj Islandës, më 8 shtator në St. Gallen, mes lojtarëve të grumbulluar është në mënyrë surprizë edhe veterani Stephan Lichtsteiner. Por, pyetja që po mundon tifozët është se kush do të jetë kapiten, nëse mbrojtësi nuk do të jetë në fushë.

Pas largimit të detyruar të Valon Behramit, tani futbollistët më të kuotuar për të marrë shiritin janë Granit Xhaka dhe Yann Sommer.

Kjo çështje po merr përmasa shpërthyese, pasi shumë tifozë mendojnë se mesfushori i Arsenalit nuk i përfaqëson, nuk këndon himnin zviceran dhe me festimet e tij patriotike nuk ka të bëjë aspak me flamurin me kryqin e bardhë.

Në një sondazh këtë javë, portieri Sommer ka marrë dukshëm shumicën e preferencave për të qenë kapiteni i ri i Zvicrës. I dyti në hierarkinë e pëlqimeve është Granit Xhaka, por me diferencë të madhe. Veterani Stéphane Henchoz mendon se roli i kapitenit është edhe ai i ambasadorit të ekipit, e për këtë Xhaka nuk përfaqëson Zvicrën.

Ish-futbollisti mendon se lojtari me origjinë kosovare e shfaq përkatësinë e tij në çdo kohë dhe në çdo vend, qofshin këto pushimet në Seychelles me partneren, apo edhe në fushë në një arenë Botërori.

Mbetet për t’u parë se çfarë do të rezervojë mbrëmja e 8 shtatorit, por të dhënat tregojnë se hierarkia e Federatës helvete do të bëjë gjithçka për të mos e lënë shiritin e kapitenit në krahun e Granit Xhakës.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

1 komente në “Zvicra, “shqiponja” mund t’i mohojë shiritin e kapitenit Granit Xhakës”

  1. zhaku i pamposhtur says:

    Është normale që të ketë nga këto lloj problemesh për shqiptarët. .kudo të njëjtat probleme..për performancën e shqiponjës dje nga ana e Sh.Mustafit unë e mësova nga mediat greke. ..shiko se sa rëndësi i japin grekët kësaj çështjeje. .ata janë në një mendim me serbët e quajnë provokim. …të gjithë ne shqiptarët e dimë se shqiponja nuk është as simbol lufte as trumpetim lufte siç duan ta paraqesin grekët dhe serbët. ..kanë ndodhur shumë incidente për këtë performancë. ..fusin hundët të huajt nga ana e anës dhe ministria jonë e jashtme fle gjumë. ..është koha që ky ministri koktul ta çojë çështjen në parlamentin evropian dhe ti japi drejtim. ..nqs është provokim ta presim në rast të kundërt ti mbyllim gojën boshtit sërbo grek që e interpreton shumë negativisht këtë situatë. ..pikë e zezë nuk të lënë as të festosh…komplet fashizëm . .normale kur ske shtet. .

Lini një Përgjigje

Adresa juaj email nuk do të bëhet publike. Fushat e domosdoshme shënohen *