Ahmetaj jep lajmin e mirë për pensionistët, ja sa shpërblim do të marrin në fund të vitit

Ministri për Financat dhe Ekonominë Arben Ahmetaj deklaroi se këtë vit paketa e solidaritetit është e konsoliduar në buxhet me një shifër konkrete. 

Ndërsa raportoi në komisionin parlamentar për ekonominë e financat, aktin normativ për buxhetin e 2018, ministri Ahmetaj dha dhe lajmin e mirë për pensionistët ku njoftoi se në fund të vitit ata do të përfitojnë 5 mijë lekë shpërblim. 

“Në mënyrën se si e afrojmë paketën e solidaritetit nuk ka asnjë lidhje me vitin elektoral.  

Shikoni kohën kur ne japim bonuese ndërkohë që ata e kanë dhënë vetëm në vite elektorale. 

 Paketa e solidaritetit është kthyer në standard dhe kjo është arsyeja pse e kemi sjellë të konsoliduar në buxhet me shifër konkrete për të garantuar ata që përfitojnë se qeveria ka vëmendje totale të qytetarët”, u shpreh Ahmetaj.

Më tej Ahmetaj tha se ka një rritje të investimeve të huaja në nivel rekord. Ministri theksoi se ka rritje të konsumit, punësimit që ka arritur në 690 mijë të punësuar në rang vendi, si edhe të investimeve të huaja, që kanë arritur në 210 milionë euro.

“Investimet e huaja në 3 mujorin e dytë, në shifra rekord. Investimet e huaja, rreth 210 milionë euro. Turizmi ka njohur një rritje tëlartë. Kemi rritje të konsumit për disa tremujorë rresht.

Ky tregues qëndron mbi mesataren afatgjatë që prej tremujorit të dytë të vitit 2016. Faktorët ekonomikë vetëm janë rritur dhe konsoliduar, dhe shifrat janë pozitive për ekonominë shqiptare.

Në aktin normative të miratuar nga qeveria shqiptare, totali i buxhetit nuk ka ndryshuar. As totali i të ardhurave nuk ka ndryshuar.

Janë rregulluar të dhënat e dhe për muajtë që vijnë. Për t’i thënë qytetarëve, që buxheti ka pësuar një goditje prej 5 miliardë lekë, për shkak të mbivlerësimit të lekut.

Të dhënën e gushtit e kemi operative, por do ta përditësojmë kur ta kemi më të saktë. Situata e vitit të kaluar uli, të dhënat e KESH dhe OSHEE. Sqarojmë se situate jo e favorshme e vitit të kaluar është rikuperuar. Kompanitë do të rrisin fitimet dhe do të reflektohet tek të ardhurat e tatim-fitimit. 724 mijë vende pune të deklaruara.

 690 mijë të punësuar. Krahasojeni që nga dita 1 e demokracisë. 240 mijë janë punësuar në 4 vitet e fundit. Janë punësuar në mandatin e parë të qeverisë Rama. Kemi ardhur nga një krizë e rëndë ekonomike fiskale.

2013 ishte viti kur varfëria arriti kulmin në Shqipëri. papunësia dhe mjerimi krahasoheshin nga BB me ’97-98. Kemi mundur që ekonomia të krijojë 240 mijë të punësuar. Janë mbi 35% e vendeve të punës të krijuara në 30 vite bashkë në Shqipëri.- tha ndër të tjare Ahmetaj. (TemA) 

REMOTE_ADDR:[]
                 Loading...