Shqipëri-Izrael/ Balaj dhe Memushaj: Shpresojmë për rezultat pozitiv, forca jonë është grupi

Share on FacebookShare on Google+Tweet about this on TwitterShare on LinkedInShare on Whatsapp

Ledian Memushaj dhe Bekim Balaj dolën sot përpara mediave, kur ndajnë edhe pak ditë nga takimi i parë zyrtar për kompeticionin e ri që nis këtë fundjavë, UEFA NATIONS LEAGUE, ose Liga e Kombeve.

Përballja me Izraelin në fokusin e dy futbollistëve të këtij ekipi mbetet një sfidë e vështirë, por forca e grupit të kësaj skuadre mbetet një armë shumë e fortë.

Sulmuesi shkodran për këtë sfidë të së premtes deklaroi:

“Mendoj se e njohim mirë kundërshtarin e radhës. Ata e dinë forcën tonë, por edhe ne të tyren. Objektivi ynë është i vendi i pare në grup. Si Izraeli, si ne, ashtu edhe Skocia do të luftojmë për këtë vend, por kjo vendoset në fushën e lojës. Duhet të harmonizohemi mirë dhe ta gjejmë golin në mënyrë më të mirë. Shpresoj të jem pjesë e formacionit kuqezi dhe të jap më të mirën për kombëtaren. 

Por, mbetet për t’u parë në fushë, se çfarë zgjidhjesh do të bëjë trajneri. Fakti që janë dy sulmues shkodranë në ekipin kombëtar, për mua është diçka mjaft e mirë. Për të tjerat mendon dhe vendos vetëm trajneri. Përveç raportit personal që kam me Roshin dhe Sadikun, mungesa e atyre ndihet dhe u uroj shërim të shpejtë që të dyve”,– theksoi Balaj, që në këtë grumbullim për këto dy ndeshje është pa shokun e tij të skuadrës, Odise Roshi, i cili është dëmtuar dhe operuar përpara pak ditësh.

Nga ana tjetër, mesfushori kuqezi që luan në radhët e Peskarës, Ledian Memushaj për këtë ndeshje theksoi:

“Do të jetë një ndeshje më e vështirë se sa ajo në Izrael. Ne do duhet të luajmë më shumë në sulm, ata duhet të mbrohen. Tashmë në skuadër ka shumë djem të rinj që janë edhe më të fortë. Sidoqoftë mendoj se nuk duhet parë mosha, duhet të shikojmë kualitetin dhe formën. 

Gjëja më e rëndësishme është të shikojmë momentin. Kombëtarja më ka munguar shumë. Skuadrës nuk i duhet vetëm Ledjani, por grupi. Shqipërisë i duhen të gjithë, sepse ky ekip varet nga grupi. Më vjen keq që nuk është Roshi dhe Sadiku, janë shumë të rëndësishëm, jo vetëm në fushë, por edhe jashtë saj”.

Skuadra do të dalë sërish sot në stërvitje pasdite në orën 17.30, teksa paradite nuk ka patur seancë stërvitore. Grupi është i plotë, dhe për momentin nuk ka probleme fizike, apo dëmtimesh.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *