Jari i kundërpërgjigjet Panuçit: Je vegël e Edi Ramës për të testuar Reformën në Drejtësi

Share on FacebookShare on Google+Tweet about this on TwitterShare on LinkedInShare on Whatsapp

Trajneri i Kombëtares sonë, italiani Panuçi, ka paditur Jarin duke kërkuar 100 mijë euro në Gjykatën e Tiranës, për shkak se ky i fundit e ka quajtur sharlatan pas humbjes 3 me 0 me ekipin përfaqësues të Kosovës.

Pas lajmit, Jari ka postuar një replikë me Panuçin:

“Edi Rama kërkon të testojë fuqinë e tij pas reformës në drejtësi, duke më dënuar mua përmes një pinjolli të fashizmit italian. Le ta provojë”.

Dhe më poshtë sqaron:

“Të dashur lexues! Jari ju sqaron.

Arsyeja përse unë kam sulmuar trajnerin Panuçi pas ndeshjes me Kosovën, është e thjeshtë.

Trajneri Panuçi është një pinjoll i fashistëve italianë, të cilët donin ta fusnin Shqipërinë nën kthetrat e tyre duke na dominuar me kosovarët.

Ata shpallën bashkimin e Shqipërisë me Kosovën dhe tentuan ta vinin Shqipërinë nën pushtetin e parisë së Kosovës.

Edhe Panuçi mendoj se e ka bërë qëllimisht shkatërrimin e ekipit tonë kombëtar përballë Kosovës, duke humbur turpshëm 3 me 0.

Ne e dimë të gjithë se ekipi ynë është më i mirë se i Kosovës, pasi kosovarët më të mirë, i kemi ne në ekip.

Kjo ishte arsyej përse unë e akuzova.

Por arsyeja përse më padit mua Panuçi, është tjetër.

Ai është një ushtar i Edi Ramës dhe përmes tij, Edi Rama kërkon të provojë nëse ka ndryshuar sistemi i drejtësisë apo jo.

Duke më paditur mua për një çështje banale, Edi Rama kërkon të testojë gjyqtarët e mbetur në sistem para vetingut, nëse janë akoma me mua apo me atë.

Nëse ata më dënojnë mua, do të thotë se reforma në drejtësi e ka bërë efektin e vet dhe Edi Rama është në rregull.

Nëse gjyqin e fitoj unë, atëhere kamzhiku i vetingut do të bëhet dhe më i fortë.

Për këtë operacion politik, Edi Rama po përdor trajnerin e Kombëtares, një pinjoll të fashizmit italian që kërkon të bëjë ligjin në vendin tonë.

Harron ai që unë kam qenë president i vendit dhe pronar i Kombëtares, kurse ai është i punësuar.

Por gjyqi do të tregojë pasojat e reformës në drejtësi.

Edi Rama kërkon ta testojë këtë gjë me mua, pasi mendon se për mua nuk ngrihet populli në këmbë dhe nuk ka trazira sociale.

Harron ai i mjerë që Doktori që nesër ka për ta quajtur Panuçin sharlatan dhe Çim Peka s’do t’i flasë më me gojë.

Atëhere ka për të parë ai, kush jam unë.”

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

2 komente në “Jari i kundërpërgjigjet Panuçit: Je vegël e Edi Ramës për të testuar Reformën në Drejtësi”

  1. M A R K I says:

    Jari bolekandari

  2. M a r k o says:

    Jari xog- gomari

Lini një Përgjigje

Adresa juaj email nuk do të bëhet publike. Fushat e domosdoshme shënohen *