FOTOT: Tentoi të fusë celular në burg duke e fshehur në këpucë, pranga policit

Share on FacebookShare on Google+Tweet about this on TwitterShare on LinkedInShare on Whatsapp

Shërbimi i Kontrollit të Brendshëm në Sistemin e Burgjeve  arrestoi një polic në burgun e Fushë Krujës pasi tentoi të funs në ambjentet e burgut një aparat telefonik.

Njoftimi i plotë:

Shërbimi i Kontrollit të Brendshëm në Sistemin e Burgjeve në datën 9 shtator 2018 ka arrestuar në flagrancë punonjësin e policisë të IEVP-së Fushë-Krujë, Bib Prend Beqiri, 56 vjeç, lindur në Pukë dhe banues në Tiranë.

Arrestimi i këtij shtetasi u krye për shkak se gjatë kontrollit të ushtruar para marrjes së shërbimit atij i është konstatuar se mbante të fshehur një send të dyshimtë në pjesën e poshtme të këpucës së djathtë.

Pas kontrollit të imtësishëm nga ana e punonjësve të sigurisë së IEVP-së Fushë-Krujë u konstatua se Beqiri kishte kamufluar një send të dyshimtë, i mbështjellë me qese plastike dhe izoluar me natriban, që më vonë rezultoi se brenda kishte një aparat telefoni Iphone 5, ngjyrë e zezë, pa kartë SIM.

Ndërsa në pjesën e poshtme të këpucës së majtë, poshtë shollës, u konstatua se kishte fshehur fishen e karikimit të këtij aparati telefonik.

Nga tërësia e veprimeve hetimore rezultoi se shtetasi Bib Beqiri ka konsumuar elementet e veprës penale “Futja ose mbajtja e sendeve të ndaluara në institucionin e ekzekutimit të vendimeve me burgim” dhe “Shpërdorimi i detyrës” dhe konkretisht nenet 324/a dhe 248 të Kodit Penal.

Pas përfundimit të veprimeve procedurale, materialet iu dërguan Prokurorisë Rrethit Gjyqësor Krujë. (TemA)

 

Share on FacebookShare on Google+Tweet about this on TwitterShare on LinkedInShare on Whatsapp

Lini një Përgjigje

Adresa juaj email nuk do të bëhet publike. Fushat e domosdoshme shënohen *