Politika kthen djathtas kudo në Europë

Share on FacebookShare on Google+Tweet about this on TwitterShare on LinkedInShare on Whatsapp

Suedia është shembulli më i ri. Më fillimin e krizës së refugjatëve, gati në të gjitha zgjedhjet në vendet e BE-së kanë fituar terren të madh partitë populiste të djathta. Në disa vende ato madje bashkëqeverisin.

Itali

Shokëve të idealit, ministri i Brendshëm italian, Matteo Salvini i uroi gjithë të mirat për votimet. Në Itali partia e tij “Lega Nord” është politikisht shumë më përpara se Demokratët Suedezë. Lega Nord vërtet që zuri vendin e tretë në zgjedhje, por bashkë me lëvizjen “Pesë Yjet” ajo u fut në koalicion si partneri më i vogël. Që atëherë, Salvini sundon skenën politike europiane me një politikë të fortë kundër të huajve, ai është aq prezent, sa madje disa e mbajnë atë për kreun e qeverisë. Gjuha e tij nxitëse dhe politika kundër të huajve gjejnë rezonancë. Gati 100 ditë pas hyrjes në koalicion, Lega Nord ndodhet në krye të sondazheve me 30%. Kujtojmë se në zgjedhje ajo arriti vetëm 17% të votave. Në drejtim të Merkelit, Salvini tha se ajo “nënvleftësoi rrezikun e konflikteve sociale, kur mendoi se kishte vend për qindra mijë njerëz në Gjermani.”

Austri

Partia populiste austriake e lirisë, FPÖ ka pasur përvojë qeverisëse më të gjatë. Në vitin 1999, kjo parti doli partia e dytë më e fortë në zgjedhjet e atëhershme parlamentare, dhe krijoi një koalicion me ÖVP. Tani po kjo aleancë qeveris nga viti i kaluar me kancelar, Sebastian Kurz. Por FPÖ nuk duhet të luftojë shumë për një kurs të fortë në politikën e azilit. Sebastian Kurz vetë u zhvendos djathtas me politikën e tij për të mbajtur refugjatët larg Austrisë. Por FPÖ shkon edhe një hap më tej. Ministri i Brendshëm, Herbert Kickl kërkon t’i mbajë refugjatët “të përqëndruar”, gjë që solli reagime të forta dhe akuzën se ai po përdor gjuhën e nacionalsocializmit.

Gjermani

Në zgjedhjet e Bundestagut në shtator 2017, Alternativa për Gjermaninë, AfD arriti 12,6 të votave dhe me 94 vendet në Bundestag është partia e tretë më e fuqishme, dhe partia më e madhe opozitare. Miratimi për këtë parti vazhdon të rritet. Në sondazhet e fundit kjo parti ka arritur 15% të votave, dhe nganjëherë ajo arrin të kalojë vetë Partinë Socialdemokrate. Në disa sondazhe në Lindje AfD madje kryeson, duke kaluar edhe partinë CDU. Edhe pse ekspertët e politika e akuzojnë këtë parti për afrimitet me ekstremistët e djathtë dhe kërkojnë që të vëzhgohet nga Mbrojtja Kushtetuese, duket se asgjë nga këto nuk e ka dëmtuar AfD-në. Së fundmi kjo parti pritet të hyjë edhe në dy parlamentet e fundit të landeve në Bavari më 15 tetor dhe në Hesen më 28 tetor.

Francë

Kur Marinë Le Pen nga Front National doli në raundin e dytë për ballë Emmanuel Macron, shumë vëzhgues kishin theksuar se bëhej fjalë as më pak e as më shumë, por për të ardhmen e Europës. Proeuropiani Macron fitoi dukshëm përballë Marine Le Pen 66% kundrejt 34%. Prej atëherë duket sikur Le Pen doli nga skena, në fund ajo arriti të ndërrojë emrin e partisë në Lëvizja Kombëtare e Përgjithshme. Por shumë përkrahës presin që mbesa e Le Pen, Marechal Le Pen të marrë timonin për ta arritur me të fitoren. Megjithatë edhe në Francë armiqësia ndaj të huajve dhe skepticizmi ndaj Europës janë bërë pjesë normale.

Holanda

Para zgjedhjeve parlamentare në Holandë në mars 2017, në të gjithë Europën sundonte paniku mes partive tradicionale se çfarë rezultati do të arrinte Partia e Lirisë PVV e Geert Wilders. Rezultatet treguan kjo parti nuk doli triumfuese, por me rezultatin 13%, kjo parti zuri vendin e dytë, ndërkohë që socialdemokratët gati u shuan politikisht. Pas koalicionesh të vështira u arrit më në fund të krijohej një aleancë e qendrës më të djathtën. Por Wilders me qëndrimin e tij refuzues ndaj migrantëve dhe islamit vazhdon të sundojë skenën politike në Holandë. Ndërkohë me Thierry Baudets është krijuar një parti tjetër e ekstremit të djathtë që ndjek qëllime identike si Wilders. Baudet paraqitet si njeri i kulturës, luan piano dhe flet latinisht, duke iu drejtuar kështu shtresës së arsimuar. Kështu djathtistët nuk do i marrin vota njëri-tjetrit, por më shumë do t’i shumojnë ato.

DW

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

5 komente në “Politika kthen djathtas kudo në Europë”

  1. Geri NYC says:

    Normal,te marresh ne Europe miliona pushtues afrikane e talebane kultura te nje bote tjeter duke rrezikuar demografine dhe sigurine e Europes ,patjeter qe europianet ashtu si amerikanet do reagonin ndaj kesaj vetevrasjeje kolektive te te pjerdhurve liberale. Cfare kujtonit ju se do rrinin e te shikonin fundin e tyre?

    Prisni prisni se ky eshte vetem fillimi.

  2. ben says:

    Si fillim duhen saktesuar disa gjera.
    a) EU ka 520 milione banore dhe ekonomia e te gjitha vendeve te BE se bashku eshte e barabarte me ekonomine e amerikes , vendet e tjera jane shume larg
    b) partire e ekstremit te djathte ne te gjithe EU kane nje vecori te RE. Nacionalizmi I tyre nuk eshte ai tradicionali dmth te djathtet e gjermanise nuk jane kunder francezeve ose polakeve nacionalizmi I tyre eshte europian. Te gjitha partite e djathta ose te ekstremit te djathte kane 1 te perbashket ndermjet tyre. Ato jane kunder emigranteve, kunder islamit dhe kuptohet kunder politikaneve te tyre qe I sollen keto 2 dukuri ne europe. Dhe kjo tregon qe ne europe eshte rizgjuar ndergjegja e vertete europiane.
    Nese politika europiane nuk do arije shume shpejt te mari masa konkrete kunder emigranteve dhe islamit qe jane e njejta gje ( sepse europianet nuk kishin dhe kane asnje problem per refugjatet europiane) atehere europen dhe boten e pret nje perplasje e dhunshme ku holkausti I hebrenjve krahasuar me ate qe pritet te ndodhi ne europe dhe me gjere do duket si loje kalamajsh.
    PS: nese gjermania franca italia anglia dhe gjithe vendet e tjera gjate luftes se dyte boterore do ishin te gjitha bashke sot nuk do kishte me rusi, imagjinoni ca mund te ndodhi me te tjeret.
    Prandaj ne kete perplasje midis qyteterimeve qe eshte e pashmangshme nese shqiptaret do vazhdojne te tolerojne islamin dhe turqine me shume gjasa mbas kesaj lufte qe eshte e pashmangshme do hyjne ne historine e kombeve te zhdukura.

  3. Roberto says:

    Timoni nuk mund te kete vetem nje kah,djathtas por ka dhe majtas bile ka dhe ta mbash drejt keshtu qe me shume se sa nje ferkim duarsh per ata qe i genjen mendja qe mund te vijne ne qeverisje se timoni ju pret vetem djathtas e kane gabim pasi makina,kamioni apo treni do bente nje rrutullim ne vend numuro ne nje rreth apo do krijonte nje qark te shkurter apo te kufizuar brenda nje rrethi te caktuar.

  4. Saimir says:

    Ne jemi rahat se nuk kemi pas te te djathte per 75 vjet

Lini një Përgjigje te Saimir Anuloje përgjigjen

Adresa juaj email nuk do të bëhet publike. Fushat e domosdoshme shënohen *