RAPORTI: Gazetat shqiptare në pikën e “vdekjes”, ja të ardhurat e tyre dhe kush është me humbje dhe kush me fitim

Share on FacebookShare on Google+Tweet about this on TwitterShare on LinkedInShare on Whatsapp

Infografik: Tregu i Shtypit në Shqipëri. Burimi: Bilancet e kompanive të analizuara nga BIRN Albania

Gazetat kryesore në Shqipëri pësuan një rënie tjetër të të ardhurave gjatë vitit 2017, gjë që u shoqërua me shkurtime shpenzimesh, veçanërisht te pagat.

Kompanitë kryesore të medias së shkruar në Shqipëri pësuan një rënie të të ardhurave të përgjithshme prej 9% ose 52 milionë lekë gjatë vitit të kaluar, pavarësisht daljes nga tregu të njërit prej operatorëve më të mëdhenj, gazetës Shqip.

Të ardhurat e përbashkëta të tetë kompanive të shtypit të shkruar, bilancet e të cilave janë publikuar në Qendrën Kombëtare të Biznesit, ishin 499 milionë lekë në vitin 2017, nga 551 milionë që ishin në vitin 2016 dhe 620 milionë në vitin 2015.

Vitet e fundit gazetat kryesore të Shqipërisë janë përqendruar gjithnjë e më shumë në publikimet në internet, ndërkohë që shitjet e gazetave fizike kanë ardhur në rënie. Por të ardhurat nga aktiviteti në internet nuk kanë mjaftuar për të kompensuar rënien e shitjeve fizike si dhe rënien e të ardhurave nga reklamat.

Katër nga tetë operatorët e tregut të shtypit pësuan rënie të të ardhurave ndërsa katër operatorë, përgjithësisht të vegjëlit, pësuan rritje.

Gazeta Panorama, e botuar nga kompania Panorama Group, pësoi një rënie me 10% dhe 2017 ishte viti i dytë rradhazi me rënie.

Të ardhurat e kompanisë ishin 244 milionë lekë më 2017 nga 271.5 milionë më 2016 dhe 288 milionë më 2015.

Panorama mbetet grupi mediatik më i madh në vend dhe ai zë 49% të totalit të tregut të analizuar.

Kompania Media Union, e cila boton revistën e përjavshme ekonomike Monitor si dhe publikimin online Monitor.al, pati një rritje prej 6% në të ardhura dhe kjo e bëri kompaninë e dytë më të madhe në tregun e medias së shkruar me rreth 12.5% të tregut. Të ardhurat e Media Union për vitin 2017 ishin 62.4 milionë lekë.

Media Union zuri vendin e dytë vitin e kaluar pasi kompania Unipress, e cila boton gazetën Shekulli, pësoi një rënie të madhe të të ardhurave prej 40%.

Shekulli ra në vend të katërt nga vendi i dytë që zinte në vitin 2016. Të ardhurat e saj vitin e kaluar ishin 56.4 milionë lekë nga 94.8 milionë në vitin 2016 dhe 110 milionë më 2015.

Në vend të tretë për vitin 2017 u ngjit kompania Publikime Shqiptare, e cila boton gazetën Dita. Të ardhurat e kësaj kompanie u rritën me 56% gjatë vitit 2017 duke arritur në 60.8 milionë lekë. Dita u bë gazeta e tretë me 12% të tregut mes tetë kompanive mediatike të analizuara.

Edhe kompania Focus Press, e cila boton Gazetën Shqiptare dhe publikimin në internet GSH.al, pësoi rënie të të ardhurave në masën 24%. Të ardhurat e saj ishin 36.5 milionë lekë më 2017, nga 48 milionë më 2016 dhe 54 milionë më 2015.

Gazeta TemA, publikim i Mero Baze, pati një rritje të të ardhurave të deklaruara prej 20%, pas një rritjeje prej 45% më 2016. Të ardhurat e TemA ishin 25.5 milionë lekë duke zënë 5.1% të tregut.

BIRN analizoi të dhënat financiare të tetë botimeve në vend, Panorama, Gazeta Shqiptare, Shekulli, Koha Jone, Tema, Dita, Standard e Monitor, bilancet e të cilave janë publikuar në QKB.

Të dhënat financiare të disa publikimeve të tjera si Mapo, Sot apo Shqiptarja.com nuk ishin të disponueshme.

Tregu i shtypit është tkurrur në mënyrë të vazhdueshme gjatë viteve të fundit. Shqipëria numëronte dhjetëra gazeta të përditshme dhe publikime të tjera periodike disa vite më parë ndërsa disa prej titujve kanë dalë nga tregu. Pakësimi i numrit të titujve në treg nuk e ka përmirësuar situatën për aktorët e mbetur në të.

Në vitin 2016, gazeta Shqip u tërhoq nga tregu i shtypit pas një dekade prezencë duke ruajtur praninë vetëm në internet.

Të ardhurat e kësaj gazete ishin 50 milionë lekë në vitin 2015, viti i fundit i plotë i operimit, por lexuesit e saj duket se nuk shkuan te gazetat e tjera që vijojnë të publikohen.

Rënia e të ardhurave duket se ka shtyrë kompanitë kryesore të tregut të shkurtojnë shpenzimet, veçanërisht shpenzimet për paga.

Kompanitë botuese të Shekullit, Panoramës apo Gazetës Shqiptare kanë raportuar shpenzime më të ulëta për paga më 2017 se sa më 2016.(BIRN)

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

11 komente në “RAPORTI: Gazetat shqiptare në pikën e “vdekjes”, ja të ardhurat e tyre dhe kush është me humbje dhe kush me fitim”

  1. Gazeta me e mire dhe me fitim eshte ajo e fari balliut e financuar nga familet hajdute berisha meta monikacizmja dhe cuni milioner pa punuar i fariut.

  2. veterani says:

    Ne monizem gazetat zakonisht petdoreshin per te fshire b*then, ne radhe te pare se skish letra higjenike por kryesorja per te treguar dashurinr per partine dhe kjo ish me e thekesuar neper ndermarje bile fshihej me mire kur ne faqe te binte nbonje portret i udheheqesit. Sot jane me keq sepse kane rene ne dore te pronareve gangestere qe vetem per Shqiperine nuk punojne dhe per me teper e nxine vendin tone.

    1. Byt says:

      Atehere fshinim bythen dhe nuk na digjte,nfersa sot as per te fshire bythen nuk jane!

  3. spartak says:

    Hala s’jeni mbyll komplet te gjitha ?
    A e keni te qarte , qe ja keni bo vete vehtes kete menxyre .
    Mblidhuni e vritni mendjen ( ishalla ju ka mbet ndonje cike ).
    Po s’i dhate kon , une ketu jam . Jua spjegoj , jo vetem pse keni msu keshtu , por ene si te dilni siper ujit .
    Tung

  4. Zzzzzz says:

    KURSE KOKDHIA NUK PAGUAN GAZETARET E GAZETES DUKE I LENE NE MESHIRE TE FATIT …???????????????????????
    PSE NUK BEHEN KONTROLL NGA SHTETI PER PAGAT E PUNONJSVE …..????????????????????

  5. ilir hoxha says:

    gazeta me origjinale dhe me brilande me profesionaliste eshte TEMA

    1. Janulles, me cekic kokes.... says:

      Hahahaha…Ilir sa dopjo ke pire ?!

  6. Vito Kermilli, shoku i Nikos qe mashtroi me kultivimin e kermillit says:

    hahahahaha
    Monitori ka dale me rritje te ardhurash ?
    hahahahahahahahahahahahahahahaha
    Media Union eshte kompani qe pastron parate e Union Grup dhe ka raportime fiktive . Si mund te shenoje rritje te ardhurash nje reviste qe kontabilizohet me 4000 leke dhe shitet 3000 ?
    hahahahahahahahahahaha
    Ornela e Varuzhanit me fitim

  7. florence says:

    gazeta me e mire ne shqiperi eshte gazeta tema sepse dikur kishim Fahriun e Saliut kurse sot kemi Meron e Ed palles.

    1. Kalec Dega says:

      lol!
      une prandaj lexoj Temen , qe mos falimentoje si kazani simoter mediatik

  8. ME EMER says:

    .. mos jane te shqetesuara nga VENTINGU ..!? .. MOS KINI FRIKE , KARAKTERI I TIJ ESHTE :TU “LIGJERROJE ” PASURINE ..!

Lini një Përgjigje te Byt Anuloje përgjigjen

Adresa juaj email nuk do të bëhet publike. Fushat e domosdoshme shënohen *