Janë luajtur këtë të mërkurë ndeshjet e para të turit të parë eleminator të Kupës së Shqipërisë.
Skuadrat pretendete për të fituar këtë trofe kanë bërë detyrën përballë kundërshtarëve të tyre duke fituar në takimin e parë.
Në grupin A, ekipet kryesore si, Skënderbeu, Luftëtari, Partizani e Kamza kanë arritur të kalojnë në turin e dytë.
Skënderbeu fitoi me rezultatin 0-3 ndaj Veleçikut, Partizani fitoi përballë Tërbunit me shifrat 1-0, Luftëtari mposhti me rezultatin e thellë 4-0 Vorën, kurse Kamza triumfoi ndaj Besës me rezultatin 2-0.
Ndërkohë që jashtë ka mbetur Dinamo që u mund në shtëpi nga Egnatia me rezultatin 0-1.
Edhe në Grupin B, nuk ka pasur surpriza ku Kukësi fitoi me rezultatin e ngushtë 1-2, Laçi mposhti me shifrat 5-0 Naftëtarin, ndërsa Flamurtari mundi në fund Shkumbinin me rezultatin 1-0.
Ndërsa Tirana bëri detyrën në transfertë përballë Ilirisë duke fituar me shifrat 1-4.
Rezultatet e Grupit A
Veleçiku-Skënderbeu 0-3
Vora-Luftëtari 0-4
Tërbuni-Partizani 0-1
Besa-Kamza 0-2
Burreli-Vllaznia 1-1
Korabi-Kastrioti 1-1
Dinamo-Egnatia 0-1
Besëlidhja-Erzeni 2-0
Ndeshjet e turit të dytë të Grupit A:
Beslidhja-Skënderbeu
Egnatia-Luftëtari
Korabi/Kastrioti-Partizani
Burreli/Vllaznia-Kamza
———————————
Rezultatet e Grupit B
Oriku-Kukësi 1-2
Naftëtari-Laçi 0-5
Shkumbini-Flamurtari 0-1
Turbina-Teuta 0-3
Shënkolli-Lushnja 1-2
Iliria-Tirana 1-4
Tomori-Bylis 2-1
Pogradeci-Apolonia 0-1
Ndeshjet e turit të dytë të Grupit B:
Apolonia-Kukësi
Tomori-Laçi
Tirana-Flamurtari
Lushnja-Teuta
(TemA)