Asnjëherë në grupet e Champions, edhe 21 shtete si Shqipëria

19 Shtator 2018, 16:47Sport TEMA

Sa herë keni ëndërruar të shihni skuadrën tuaj të zemrës të luajë në Ligën e Kampioneve? Jo, jo, nuk e kemi për Realin, Juven, Milanin, Interin, Barçën, Bajernin apo ndonjë superfuqi tjetër.

E kemi fjalën për klubet shqiptare, ato të cilat prej vitesh mundohen të shkojnë në arenën më të rëndësishme ndërkombëtare dhe e cilësojnë si objektiv të arritshëm, por nuk ia dalin asnjëherë.

Skënderbeu iu afrua më shumë në edicionin 2015-2016, duke shkuar në play-off të këtij turneu, për ët luajtur përballë Dinamos zë Zagrebit.

Kroatët kaluan në turin tjetër, ndërsa korçarët u “ngushëlluan” me pjesëmarrjen në fazën në grupe të Ligës së Europës, një tjetër risi për Shqipërinë asokohe të cilën e përsëritën dy vite më vonë. Por Liga e Kampioneve, vazhdoi të mbetet një tabu.

Ngushëllohuni, pasi nuk jemi të vetmit. Nëse për klubet spanjolle, angleze, italiane e gjermane faza në grupe e turneut është e sigurt, Shqipëria i bashkohet 21 vendeve të tjera të cilat nuk kanë shkelur asnjëherë në këtë fazë të turneut, duke u ndalur në etapa të ndryshme të kualifikueseve.

Për veç Shqipërisë, në këtë turne kanë munguar edhe: Andorra, Armenia, Bosnjë Hercegovina, Estonia, Gjeorgjia, Gjibraltari, Irlanda, Irlanda e Veriut, Islanda, Ishujt Faroe, Kosova, Letonia, Lihtenshtejni, Lituania, Luksemburgu, Malta, Maqedonia, Moldavia, Mali i Zi, San Marino dhe Uellsi.

Si mendoni, do ia dalim të dërgojmë një skuadër në grupe para vendeve të mësipërme? Cila do të jetë? (vipsport)

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje