Një portret dhe ca…rreshta për Lazër Filipin

23 Shtator 2018, 14:34Dossier TEMA

Nga Qerim Vrioni

Aktori i njohur, Lazër Filipi (1921-2016), hynte me qetësi në Bar “Aleanca” duke përshëndetur plot mirësjellje të njohurit nëpër tryeza të ndryshme, mandej ulej, porosiste kafen dhe hapte çantën e nxirte prej andej fletë të bardha. Ai i përkiste shejzës së aktorëve të parë dramatikë të pas L2B, në Teatrin Popullor (sot Kombëtar).

Lazër Filipi ka realizuar shumë role në teatër dhe kinematografi, të cilat kujtohen veçanërisht edhe për zërin e tij karakteristik. Kështu që natyrisht, përvoja e tij artistike ishte e madhe dhe e larmishme

A mund të tejçohej kjo përvojë, ose më ndryshe, a kanë nevojë brezat e rinjë të aktorëve mbi të shkuarën e tij artistike në teatër dhe kinematografi ?

Kësaj pyetje, e cila e mundonte shpesh ai kishte vendosur t’i përgjigjej me gjera të prekshme, do shkruante sa mbante mend nga puna e tij e, mandej kush të kishte dëshirë le t’i lexonte, madje edhe t’i përdorte në skenë ose në dy ekranet, tv dhe kinema.

Në një bisedë miqësore ai tha, me zërin e tij të veçantë se, mbante mend, që rolin e parë e kishte luajtur në Teatrin Popullor në vitin 1945, mbi gjashtëdhjetë vjet më parë.

Prej atëherë e deri tani që po shkruan (në foto), në karrierën e Lazër Filipit numërohen mbi 80 role në tatër dhe filma, ngarkesë e pazakontë për një artist.

E fotografova nga largë dhe në padijeni të tij, ashtu të përqëndruar tërësisht mbi materialet që po shkruante, veshur me një bluzë të freskët e me vija.

Pamëdyshje, Lazër Filipi përbën një shembull të veçantë për të gjithë se, puna me pasion nuk njeh moshë dhe lodhje. Ishte shtator 2009, ai kishte mbi supe më tepër se 88 vjet.

1 komente në “Një portret dhe ca…rreshta për Lazër Filipin”

  1. katarakti says:

    Kam nje histori me Lazer Filipin. Ishte ne mos gaboj viti 1988. Ne Kinostudion “Shqiperia e re” po diskutohej premiera e nje filmi te ri qe pritej te shfaqej ne kinemate e vendit. Gjate diskutimeve u ngrit me duket, edhe nje punetor skene a diçka e tille, dhe duke dashur te tregohej me partshmeri te larte u shpreh si gjeli maje plehut: “Me duket se ne kete film nuk e kemi te forte grushtin godites”! Sllogane nga ato te kohes se diktatures. Pashe qe Lazer Filipit i hypi gjaku ne koke. Nuk u permbajt dot dhe thirri:”Po ketu nuk jemi duke bere nje film per boksin”! Njerezit perqark qeshen. Ndersa ai punetori i skenes a ku ta di une se çfare ishte e pa me inat “klasor” Lazer Filipin dhe nuk foli me.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje