FOTO: Grima pushton mediat sportive spanjolle: Ishte ish-portieri legjendar i Vllaznisë

25 Shtator 2018, 14:10Sport TEMA
FOTO: Grima pushton mediat sportive spanjolle: Ishte ish-portieri legjendar i

Arrestimi i Armir Grimajt, trajnerit të përfaqësueses shqiptare të futbollit të femrave ka bërë shumë bujë jashtë Shqipërisë dhe ngjarja në fjalë është pasqyruar edhe në mediat e njohura ndërkombëtare.

Kështu, dy të përditshmet sportive spanjoll, “AS” dhe “Mundo Deportivo”, i kanë dhënë rëndësi kësaj ngjarje ndoshta më shumë se në Shqipëri, duke publikuar të dhënat e saj mbi trajnerin shqiptar.

“AS” shkruan se trajneri i përfaqësueses së femrave të Shqipërisë ishte pjesë e një grupi kriminal që akuzohej ndër të tjera për vrasje, armëmbajtje pa leje, prodhim e tregtim lëndësh narkotike, e manipulime ndeshjesh futbolli.

Ajo shpjegonte se Grima ishte “portieri legjendar i Vllaznisë” dhe se bashkë me të ishte arrestuar edhe Fabjol Rexhepi, portieri i Tërbunit, shkruan “Vipsport”.

Sa i përket “Mundo Deportivo”, ajo shpjegon gjithashtu rrethanat e arrestimit të Grimës dhe dyshimet se është pjesë e “Grupit Bajri” në një operacion policor që ishte zhvilluar në Shqipëri, Holandë e Belgjikë dhe hetimet kishin zgjatur disa muaj.

Gjykata e Krimeve të Rënda dha dje masën “arrest me burg” për Grimën, ndërsa Federata Shqiptare e Futbollit e pezulloi përkohësisht trajnerin e përfaqësueses së femrave.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje